मुंबई : मुंबईत एका महिलेने प्रियकराच्या मदतीने पतीची हत्या केल्याची खळबळजनक घटना घडली आहे. महिलेने हत्या केल्यानंतर पतीचा मृतदेह किचनमध्येच पुरला होता. महिलेने हे भयंकर कृत्य तिच्या सहा वर्षाच्या मुलीच्या डोळ्यांसमोर केलं होतं. हत्या झालेल्या व्यक्तीचं नाव रईस शेख आहे. पोलिसांनी हत्येप्रकरणी शाहिदा शेख आणि तिचा प्रियकर अनिकेत उर्फ अमित मिश्रा याला अटक केली आहे.

पोलिसांनी दिलेल्या माहितीनुसार, रईस शेख आणि शाहिदा शेख हे दांपत्य मूळचे उत्तर प्रदेशचे असून नोकरीच्या शोधात मुंबईत आले होते. त्यांना सहा वर्षाची मुलगी आणि दोन वर्षांचा मुलगा आहे. २५ मे रोजी शाहिदा शेख यांनी दहिसर पोलीस ठाण्यात पती बेपत्ता झाल्याची तक्रार दिली होती. २१ मे रोजी पती घऱाबाहेर पडले आणि त्यानंतर पुन्हा घऱी परतले नसल्याचं आणि त्याच्याशी संपर्क होत नसल्याचं तिने सांगितलं होतं. त्यानुसार पोलिसांनी तक्रार दाखल करत तपास सुरु केला. मात्र, २५ मे रोजी रईसचा भाऊ अनीस मुंबईत आला आणि दहिसर पोलीस स्टेशनमध्ये जाऊन शाहिदा वेगवेगळी माहिती देत असून ती काहीतरी लपवत असल्याची शंका व्यक्त केली.

हृदयद्रावक : चिमुकलीचा कारमध्ये गुदमरून मृत्यू, वडिलांनी दुसऱ्या दिवशी गाडीचा दरवाजा उघडला आणि…

१ जूनला पोलीस रईसच्या घरी गेले. घराची झडती घेतली असता पोलिसांना किचनमधील टाइल्स योग्य पद्धतीने लावलेल्या नसल्याचं लक्षात आलं. त्यानंतर पोलिसांनी शाहिदाची कठोरपणे चौकशी केली आणि तिने हत्या करून मृतदेह किचनमध्ये पुरल्याची कबुली दिली. पोलिसांनी मुलीकडे चौकशी केली असता तिने जे काही पाहिलं होतं ते सर्व पोलिसांना सांगितलं. जर पोलिसांना सांगितलं तर तुलादेखील अशीच पुरुन टाकेन अशी धमकी आईने दिल्याचंही मुलीने सांगितलं. रईस शेखच्या हत्येनंतर ११ दिवसांनी मृतदेह पोलिसांच्या हाती लागला. किचनमध्ये तीन फूट खट्टा खोदून पुरण्यात आलेला हा मृतदेह बाहेर काढण्यासाठी पोलीस जवळपास १२ तास खोदकाम केलं.

शाहिदाने शेजारी राहणाऱ्या अमित मिश्रासोबत विवाहबाह्य संबंध असल्याची कबुली दिली. पती रईसला या संबंधांबद्दल समजले होते आणि त्याने हे सर्व थांबवण्यास सांगितलं होतं. २२ मे रोजी शाहिदाने अमित मिश्रासोबत मुलीच्या डोळ्यांदेखत रईसची वायरीने गळा दाबून हत्या केली. यानंतर त्यांनी मृतदेहाचे तीन तुकडे केले. थोडा वेळ मृतदेह बाथरुममध्ये ठेवला आणि त्यानंतर त्यांनी तो किचनमध्ये खड्डा खोदून तिथेच पुरला होता.

अनैतिक संबंधांचा अर्थ महिला चांगली आई नाही, असा लावला जाऊ नये – उच्च न्यायालय

The post महिलेने पतीची हत्या करून मृतदेह किचनमध्ये पुरला, स्वतःच्या लहान मुलीसमोर केलं भयंकर कृत्य… appeared first on थोडक्यात घडामोडी.

चंदीगड : एका याचिकेवर सुनावणी करताना पंजाब आणि हरयाणा उच्च न्यायालयानं महत्त्वाची टिप्पणी केली आहे. पत्नी विवाहबाह्य संबंधांत असल्यानं आपल्या मुलीचा ताबा तिच्या आईकडे देण्यात येऊ नये, असा दावा पतीनं न्यायालयासमोर केला होता. यावर ‘अनैतिक संबंधांचा अर्थ महिला चांगली आई होऊ शकत नाही असा नाही’ अशी टिप्पणी उच्च न्यायालयाने केली आहे.

पंजाब आणि हरयाणा उच्च न्यायालयाने स्पष्ट केलं की एखादी महिला विवाहबाह्य संबंधात असेल तर याचा अर्थ ती महिला चांगली आई होऊ शकणार नाही, असा लावला जाऊ नये. ‘द हिंदू मायनॉरिटी अँड गार्डियनशीप ऍक्ट १९५६ च्या कलम ६ नुसार, पाच वर्षांपर्यंतच्या मुलांसाठी त्यांच्या आईलाच ‘नॅचरल गार्डीयन’ मानलं गेलं आहे, असंही कोर्टानं निर्णयात नमूद केलं. पाच वर्षांपर्यंतच्या मुलांच्या देखभालीसाठी त्यांची नैसर्गिक संरक्षक अर्थात आई सर्वात जास्त गरजेची ठरते. अशावेळी आईला पाल्याचा ताबा देण्यापासून वंचित ठेवलं जाऊ शकत नाही, असं कोर्टानं स्पष्ट केलं.

काय आहे प्रकरण?

पतीपासून विभक्त झाल्यानंतर ऑस्ट्रेलियात राहणाऱ्या एका महिलेनं पंजाब आणि हरयाणा उच्च न्यायालयात याचिका दाखल करत आपल्या ४.५ वर्षांच्या मुलीचा ताबा मागितला होता. आपण आपल्या मुलीचा योग्य प्रकारे सांभाळ करू शकतो, असा दावा महिलेनं केला होता. तर दुसरीकडे, पतीनं मात्र आपल्या पत्नीवर अनैतिक संबंधांचा आरोप केला. अशा संबंधांमुळे मुलीवर वाईट परिणाम होण्याची शक्यता असल्यानं संबंधित महिला एक चांगली आई बनू शकत नाही, असं कारण पतीने पुढे केलं होतं. तथापि, आपल्या पत्नीवर केलेले अनैतिक संबंधांचे आरोप पती न्यायालयात सिद्ध करू शकला नाही.

उच्च न्यायालयानं साडे चार वर्षांच्या मुलीचा ताबा मुलीच्या आईकडे सोपवण्याचा निर्णय दिला. हे दाम्पत्य मूळचे पंजाबचे आहे, जे ऑस्ट्रेलियात स्थायिक झाले होते. पती अगोदरपासूनच ऑस्ट्रेलियात राहत होता. विवाहानंतर पत्नीही त्याच्यासोबत ऑस्ट्रेलियात राहत होती. त्यांच्या मुलीचा जन्म २७ जून २०१७ रोजी झाला होता. पती-पत्नीचे संबंध बिघडल्यानंतर दोघंही वेगळे झाले. १४ ऑक्टोबर २०१९ रोजी महिलेनं पतीच्या वर्तवणुकीवर आक्षेप घेत ऑस्ट्रेलियाच्या फेडरल कोर्टात घटस्फोटाचा अर्ज दाखल केला होता. परंतु, पतीनं सुधारण्याचा प्रस्ताव समोर ठेवल्यानंतर दोघं पुन्हा एकत्र राहू लागले होते. पत्नीनं ९ डिसेंबर २०१९ रोजी आपला घटस्फोटाचा अर्ज मागे घेतला. २४ जानेवारी २०२० रोजी हे जोडपं भारतात परतलं.

२ फेब्रुवारी २०२० रोजी पत्नी आपल्या माहेरी गेली असताना पतीनं मुलीला आईपासून विलग करत तिचा पासपोर्टही आपल्या ताब्यात ठेवून घेतला. पतीकडून वारंवार आपल्याला धमकी दिली जात असून मुलीला जबरदस्तीनं आपल्यापासून तोडल्याचा आरोप महिलेनं केला होता. याच दरम्यान ५ फेब्रुवारी २०२० रोजी पती ऑस्ट्रेलियाला निघून गेला. पीडित पत्नीनं पंजाब आणि हरयाणा उच्च न्यायालयाशिवाय ऑस्ट्रेलियाच्या फेडरल कोर्टातही मुलीच्या ताब्यासाठी याचिका दाखल केली होती.

The post अनैतिक संबंधांचा अर्थ महिला चांगली आई नाही, असा लावला जाऊ नये – उच्च न्यायालय appeared first on थोडक्यात घडामोडी.

पुणे : पुण्यातील ही घटना अगदी एखाद्या चित्रपटात शोभेल अशी असून, पतीने पत्नीवर नपुंसक बनवण्याचं कारस्थान रचल्याचा गंभीर आरोप केला आहे. पत्नीवर आरोप करणारा पती पेशाने सॉफ्टवेअर इंजिनिअर आहे, तर पत्नी मेकेनिकल इंजिनिअर आहे. वारजे माळेवाडी पोलीस ठाण्यात या प्रकरणी पतीने पत्नीविरोधात तक्रार नोंदवली आहे.

लॉकडाऊनच्या काळात लग्न झालेले पती-पत्नी हनीमूनसाठी अनलॉकचा फेज सुरु झाल्यानंतर मागच्या आठवडयात हनीमूनसाठी महाबळेश्वरला गेले. तिथे ज्या हॉटेलमध्ये त्यांचा मुक्काम होता त्याच हॉटेलमध्ये पत्नीचा प्रियकर सुद्धा आला होता. तिथे त्याने महिलेच्या पतीसोबत मैत्री केली. चांगली ओळख झाल्यानंतर महिलेचा प्रियकर तिच्या पतीला म्हणाला की, मी वारजेमध्ये राहतो. लॉकडाऊनमुळे माझी नोकरी गेलीय. त्यामुळे मला घरभाडे आता परवडत नाहीय. मी तुमच्या घरी येऊन राहू शकतो का? महिलेच्या पतीने त्याचा प्रस्ताव मान्य केला व त्याला आपल्या घरी राहण्यास परवानगी दिली.

एक दिवस महिलेच्या पतीने ट्रीपचे फोटो बघण्यासाठी त्याच्याकडे मोबाइल मागितला. मोबाइलवर फोटो पाहताना, त्याला पत्नीच्या घराचे फोटो दिसले. त्यावेळी महिलेच्या पतीच्या मनात संशय निर्माण झाला. एक रात्री पत्नीचा प्रियकर गाढ झोपल्यानंतर महिलेच्या पतीने त्याचा मोबाइल तपासला, त्यावेळी त्याला आपल्या पत्नीचे सदर व्यक्तीसोबत प्रेम प्रकरण सुरु असून दोघांनी मिळून त्याला नपुंसक बनवण्याचा कट रचल्याची माहिती मिळाली. त्यानंतर पती अहमदनगरला त्याच्या घरी निघून गेला व आई-वडिलांना या प्रकाराची कल्पना दिली. त्यानंतर वारजे येथील पोलीस ठाण्यात जाऊन पत्नी व तिच्या प्रियकराविरोधात तक्रार नोंदवली.

The post पुण्यात इंजिनिअर पत्नीने प्रियकराच्या मदतीने रचलं पतीला नपुंसक बनवण्याचं कारस्थान.. appeared first on थोडक्यात घडामोडी.