पुणे : रविवारी सकाळी देहू रोड परिसरात झालेल्या अपघातात ३२ वर्षीय तरुणाचा जागीच मृत्यू झाला. मृताचे नाव दीपल बहादूर साई असून तो विकास नगर येथे राहात होता आणि खाजगी सुरक्षा रक्षक म्हणून कार्यरत होता.

हा अपघात किवळे येथील साई द्वारका हाऊसिंग सोसायटीजवळ सकाळी साडेनऊच्या सुमारास घडला. दीपल बहादूर आपल्या दुचाकीवरून जात असताना डंपरने त्याला जोरदार धडक दिली. या अपघातात त्याचा जागीच मृत्यू झाला.

पोलिसांनी दिलेल्या माहितीनुसार, उत्तर प्रदेशातील डंपर चालक प्रदीप मयूर यादव हा वाहन चालवताना मोबाईलवर बोलत होता. त्यामुळे त्याने वाहनावरील नियंत्रण गमावले. पोलिसांनी त्याला ताब्यात घेतले असून त्याच्याविरुद्ध गुन्हा दाखल करण्याची प्रक्रिया सुरू आहे. देहू रोड पोलिस ठाण्याने या घटनेची पुष्टी केली असून अपघाताबाबत पुढील तपास सुरू आहे.

विशेष म्हणजे, पिंपरी-चिंचवड पोलिस आयुक्तालय क्षेत्रात सकाळी ८ ते दुपारी १२ व दुपारी ४ ते रात्री १० वाजेपर्यंत जड वाहनांना प्रवेश बंदीचे नियम लागू असतानाही हा डंपर रस्त्यावर होता.

The post पुणे : डंपरच्या धडकेत तरुणाचा मृत्यू, डंपरचालक मोबाईलवर व्यस्त आणि… appeared first on थोडक्यात घडामोडी.