मुंबई : देशात कोरोनाच्या तिसऱ्या लाटेच्या दृष्टीनं केंद्र सरकार आणि राज्य सरकारांकडून अनेक उपाययोजना आखल्या जात आहेत. तसेच तिसऱ्या लाटेत लहान मुलांना असणारा धोका लक्षात घेऊन त्या दृष्टीकोनातून अनेक गोष्टींकडे विशेष लक्ष दिले जात आहे. त्या पार्श्वभूमीवर केंद्र सरकारने आता लहान मुलांवरील कोरोना उपचारासाठी नव्या गाईडलाइन्स जारी केल्या आहेत.

केंद्र सरकारने जारी केलेल्या गाईडलाइन्समध्ये स्पष्ट करण्यात आलं आहे की, कोरोनाबाधित मुलांना अँटीव्हायरल रेमडेसिवीर इंजेक्शन देऊ नये. या गाईडलाइन्समध्ये लहान मुलांची शारीरिक क्षमता तपासण्यासाठी 6 मिनिटांची वॉक टेस्ट घेण्याचाही सल्ला देण्यात आला आहे. तसेच कोरोनाबाधित मुलांवर उपचार करताना त्यांना स्टिरॉईड्स देणं टाळण्याच्या सूचना देण्यात आल्या आहेत.

आरोग्य मंत्रालयानं जारी करण्यात आलेल्या गाईडलाइन्समध्ये स्पष्ट केलं आहे की, आवश्यकतेनुसार केवळ गंभीर रुग्णांनाच स्टिरॉइड देण्यात यावं.

• मुलांच्या हाताच्या बोटाला ऑक्सिमीटर लावून त्यांना 6 मिनिटांसाठी फिरण्यास सांगावं. यादरम्यान, त्यांचं सॅच्युरेशन 94 हून कमी आलं, तर त्यांना श्वास घेण्यास त्रास होत असल्याचं निष्पन्न होईल. या आधारावर मुलांना रुग्णालयात दाखल करण्याचा निर्णय घेतला जाऊ शकतो.
• ज्या मुलांना अस्थमा आहे. त्यांच्यासाठी या वॉक टेस्टचा सल्ला देण्यात आलेला नाही,
• जर एखाद्या रुग्णास कोरोनाची तीव्र लक्षणं आढळून आली तर अजिबात उशीर न करता ऑक्सिजन थेरपी सुरु केली जावी.
• सामान्य रूग्णांसाठी अँटीमाइक्रोबियल्स वापरण्यास स्पष्टपणे मनाई केली आहे. कोरोनाची मध्यम आणि गंभीर लक्षणे असलेल्या रुग्णांना आवश्यक असल्यास ही औषधे दिली जाऊ शकतात.
• कोणतीही लक्षणे नसलेल्या मुलांना कोणतेही औषध न देण्याचा सल्ला देण्यात आला आहे.
• मास्कचा वापर करावा आणि पौष्टिक अन्न खाण्यास सांगितले आहे.
• मुलांना ताप आणि खोकला असल्यास पॅरासिटामोल गोळ्या देता येतील आणि कोमट पाण्याने गुळण्या करण्यास सांगितले आहे.

The post लहान मुलांवरील कोरोना उपचारासाठी नव्या गाईडलाइन्स जारी, ‘ही’ औषधे टाळण्याच्या सूचना appeared first on थोडक्यात घडामोडी.

अहमदनगर : कोरोना रुग्णांची संख्या वाढत असताना आरोग्य यंत्रणांवर प्रचंड ताण पडत आहे. ऑक्सिजन अभावी होणाऱ्या मृत्यूच्या घटनादेखील मन सुन्न करणाऱ्या आहेत. अशातच आता ऑक्सिजनची निर्माण होणारी समस्या काही अंशी कमी करण्यासाठी विखे पाटील परिवाराने पाऊल उचलले आहे. सुमारे दिड कोटी रुपये खर्च करून ऑक्सिजन प्लांट उभारण्याचा निर्णय त्यांनी घेतला आहे. त्यामुळे नगरमध्ये कोरोना विरोधात लढ्याला मोठी मदत होणार आहे.

डॉ. सुजय विखे यांनी आणलेल्या रेमडेसिवीर इंजेक्शनच्या मुद्यावर पत्रकारांनी त्यांना प्रश्न विचारला. त्यावर ते म्हणाले कि, “रेमडेसिवीरबद्दल आता मी काही बोलणार नाही. मी ही इंजेक्शन आणल्यावर त्याचे काय झाले ते तुम्हाला माहिती आहे. आता ऑक्सिजनची गरज लक्षात घेऊन त्यावर लक्ष केंद्रित करणार आहे. आम्ही विखे कुटुंबियांनीच आता हा प्लांट उभारण्याचे ठरविले आहे. त्यासाठी कंपनीशी करार झाला, पैसेही भरले. दोन-तीन दिवसांत चीनहून कंपनीचे साहित्य येईल. जगातील प्रसिद्ध कंपनीची अत्याधुनिक सामुग्री असून कमी दिवसात ती जोडली जाते. त्यामुळे येत्या दहा दिवसांत विळद घाटातील आमच्या हॉस्पिटलमध्ये हा प्रकल्प सुरू होईल.”

पुढे बोलताना ते म्हणाले कि, “इंजेक्शनपेक्षा ऑक्सिजन महत्वाचा असल्याने पंतप्रधान नरेंद्र मोदी यांनी सध्या ऑक्सिजन उपलब्धतेवर भर दिला आहे. त्यामुळे भाजपचा खासदार या नात्याने यासाठी हातभार लावण्याचे समाधान मला आहे. या प्रकल्पासाठी सुमारे दीड कोटी रुपये खर्च येणार आहे. भारतात प्रथमच असा जलद सुरू होणारा प्रकल्प उभारण्यात येणार आहे. त्यातून आमच्या हॉस्पिटलची गरज भागवून उरलेला ऑक्सिजन जिल्हा सरकारी रुग्णालयाला दिला जाणार आहे.”

अहमदनगरमधील ऑक्सिजनची कमतरता पाहून सुजय विखे यांनी तब्बल दीड कोटी रुपयांचा ऑक्सिजन प्लांट उभारण्याची घोषणा केली आहे. विशेष म्हणजे अत्यंत कमी काळात म्हणजेच येत्या 10 दिवसांत हा प्लांट कार्यान्वित होणार आहे. तसेच हा फ्लांट भारतातील पहिला आटोमॅटिक ऑक्सिजन जनरेट करणारा प्लांट असणार आहे.

The post डॉ. सुजय विखे यांचं कोरोना रुग्णांच्या मदतीसाठी आणखी एक मोठं पाऊल appeared first on थोडक्यात घडामोडी.

नगर : खासदार सुजय विखे यांनी रेमडेसिवीर इंजेक्शनच्या मुद्यावर आपले मत स्पष्ट शब्दांत मांडले आहे.  आपल्याकडे सर्व कागदपत्रे आहेत असून कोणत्याही कारवाईला आपण घाबरत नाही. इंजेक्शनमुळे ज्यांचे जीव वाचले, ते लोक माझ्या पाठिशी आहेत. ती इंजेक्शन संपली आहेत. इंजेक्शनचे रिकामे बॉक्स आता शिल्लक आहेत. त्यामुळे जप्त काय करणार? माझा तो व्हिडिओ नीट पाहिला तर सर्व प्रश्नांची उत्तरे मिळतील,’ असे म्हणत खासदार डॉ. सुजय विखे पाटील यांनी वादाला उत्तर दिले.

खासदार सुजय विखे यांनी दिल्ली येथून विशेष विमानाने रेमडेसिवीर इंजेक्शनचा साठा आणला होता. त्याचा व्हिडिओ बनवून त्यांनी सोशल मीडियावर पोस्ट केला होता. परंतु त्यावरून अनेक राजकीय आरोप-प्रत्यारोप करण्यात आले, तसेच यासंबंधी उच्च न्यायालयातही याचिका दाखल झाली आहे. या पार्श्वभूमीवर डॉ. विखे यांनी आपली भूमिका स्पष्ट केली. ते नगरमध्ये आढावा बैठकीसाठी आले तेव्हा त्यांनी पत्रकारांशी संवाद साधला.

खासदार डॉ. सुजय विखे म्हणाले कि, “गरजू रुग्णांना मदत करण्यात काही गैर नाही. यात आम्हाला कोणते राजकारण करायचे नाही किंवा व्यवसाय करायचा नाही. अडचणीच्या काळात विखे कुटुंबांची लोकांसोबत राहण्याची परंपरा आहे. त्यामुळे आम्ही कितीही पक्ष बदलले तरी लोक पन्नास वर्षांपासून आमच्यासोबत आहेत. आम्ही काही चुकीचे करणार नाही, यावर लोकांचा विश्वास आहे. यावेळीही आम्ही काही चुकीचे केले नाही. त्या इंजेक्शनची खरेदी आणि वाटपाची सर्व कागदपत्रे आमच्याकडे आहेत. आणलेला साठा संपल्याचे आपण त्या व्हिडिओमध्येच जाहीर केले आहे. त्यामुळे आता कारवाई काय करणार आणि जप्त काय करणार? इंजेक्शनचे रिकामे बॉक्स आता शिल्लक आहेत. त्यामुळे कोणत्याही कारवाईला आणि राजकारणाला आम्ही घाबरत नाही. आपण नेमकी किती इंजेक्शन आणली याचा आकडा त्या व्हिडिओमध्ये जाहीर केलेला नाही. हा दहा हजारांचा आकडा कोठून आला माहिती नाही. यासंबंधी बाहेरच्या कोणी राजकारण करण्याचा प्रयत्न करू नये. जिल्ह्यातील लोकनियुक्त लोकप्रतिनिधींनी जर आपल्याला विचारले तर त्यांना आपण नक्की उत्तर देऊ. इतरांनी यासंबंधी बोलू नये. न्यायालयात याचिका दाखल झाली असली तरी चिंता नाही. कारण आमच्याकडे सरकारी कागदपत्रांचा पुरावा आहे. आणलेली इंजेक्शन कोणाला दिली याच्या नोंदी आहेत. यामध्ये कोणताही काळाबाजार अगर गैरकृत्य झाले नाही, त्यामुळे कायदेशीर कारवाईलाही घाबरण्याचे कारण नाही.”

The post ‘तो’ व्हिडिओ पाहिला तर सर्व प्रश्नांची उत्तरे मिळतील, कोणत्याही कारवाईला घाबरत नाही – खासदार सुजय विखे appeared first on थोडक्यात घडामोडी.