मुंबई : आणखी एका बंगाली अभिनेत्रीनं आत्महत्या केल्याचं समोर आल्यामुळे मोठी खळबळ उडाली आहे. धक्कादायक बाब म्हणजे गेल्या १५ दिवसांत तीन अभिनेत्रींनी आत्महत्या केली आहे. बंगाली सिनेअभिनेत्री आणि मॉडेल मंजूषा नियोगी हिने आज राहत्या घरी आत्महत्या केली आहे. मंजुषाच्या आईने दावा केला आहे की, तिची मैत्रिण आणि सहकारी बिदिशा डे मजूमदारच्या मृत्यूनंतर ती तीव्र नैराश्याने ग्रस्त होती.

गेल्या तीन दिवसांत दोन अभिनेत्रींनी आत्महत्या केली आहे, तर १५ दिवसांतील ही तिसरी आत्महत्या आहे. छोट्या पडद्यापासून अभिनयाला सुरुवात करणारी अभिनेत्री पल्लवी डे हिनं १५ दिवसांपूर्वी आत्महत्या केली. राहत्या घरी तिनं गळफास घेऊन तिनं आत्महत्या केली. पल्लवीच्या आत्महत्येनंतर तिच्या कुटुंबियांनी तिची हत्या झाल्याचा संशय व्यक्त केला होता. त्यानंतर पोलिसांनी पल्लवीच्या बॉयफ्रेंडला ताब्यात घेतलं होतं. पल्लवी तिच्या बॉयफ्रेंडसोबत लिव्हइनमध्ये राहत होती.

दोन दिवसांपूर्वी २१ वर्षीय मॉडेल आणि अभिनेत्री बिदिशा डे मजूमदार हिनंही राहत्या घरी आत्महत्या केली होती. गळफास लावून बिदिशानं तिचं आयुष्य संपवलं. बिदिशाच्या मित्र- मैत्रिणींच्या म्हणण्यानुसार, ती प्रियकरामुळं डिप्रेशनमध्ये होती.

अभिनेत्री बिदिशाची गळफास लावून आत्महत्या, सुसाइड नोटमध्ये धक्कादायक माहिती…

The post अभिनेत्री मंजूषा नियोगी राहत्या घरी मृतावस्थेत आढळली, मनोरंजन विश्वात खळबळ… appeared first on थोडक्यात घडामोडी.

केरळ : केरळमधील कोझिकोड येथील 20 वर्षीय मॉडेल आणि अभिनेत्री तिच्या राहत्या घरी मृतावस्थेत आढळून आली. पोलिसांनी दिलेल्या माहितीनुसार, शहाना गुरुवारी रात्री तिच्या राहत्या घरी लटकलेल्या अवस्थेत आढळून आली. शहानाचा पती सज्जाद (३१) याला चौकशीसाठी ताब्यात घेण्यात आले आहे. कोझिकोड शहरापासून 14 किमी अंतरावर असलेल्या पारंबिल बाजार येथील राहत्या घरी शहाना खिडकीच्या रेलिंगला लटकलेल्या अवस्थेत आढळली. तरुण मॉडेलच्या मृत्यूच्या आजूबाजूच्या रहस्यमय परिस्थितीमुळे संशय निर्माण झाला आहे.

शहानाची आई उवेमा यांनी सांगितले कि, “शहानाने गुरुवारी संध्याकाळी आमच्याशी संपर्क साधला होता. तिचा 20 वा वाढदिवस होता. तिने सांगितले होते की ती तिचा वाढदिवस साजरा करण्यासाठी घरी येणार आहे. ती खूप आनंदी होती. मला वाटत नाही की तिने आत्महत्या केली आहे.” शहानाची हत्या पती सज्जादने केल्याचा आरोप उवेमा यांनी केला आहे. एका जाहिरातीसाठी मिळालेला चेक देण्यास नकार दिल्यानंतर सज्जादने शहानाला जीवे मारण्याची धमकी दिल्याचा दावा त्यांनी केला.

शहानाने दीड वर्षापूर्वी कोझिकोडा येथील रहिवासी सज्जादशी लग्न केले होते. जेव्हा दोघांनी लग्न केले, तेव्हा सज्जाद कतारमध्ये काम करत होता. शहानाने लग्नानंतर मॉडेलिंग करिअरला सुरुवात केली होती आणि ती तमिळ चित्रपटातही काम करायची. शहानाने भरपूर पैसे कमवायला सुरुवात केल्यानंतर सज्जादने कतारला परतण्यास नकार दिल्याचा दावा उवेमाने केला. तिने कमावलेले बरेचसे पैसेही त्याने खर्च केले. सज्जादच्या कुटुंबीयांनी हुंडा म्हणून २५ सोन्याचे दागिने मागितल्याचा आरोपही शहानाच्या नातेवाईकांनी केला आहे. लग्नानंतरही सज्जादने हुंड्यासाठी शहानाच्या कुटुंबियांचा छळ केला. शिवाय, सज्जाद आणि त्याच्या कुटुंबीयांनी शहानाच्या आईला तिला भेटू देण्यास नकार दिला.

तरुण मॉडेल तिच्या राहत्या घरी मृतावस्थेत आढळल्यानंतर, केरळ पोलिसांनी सज्जादला ताब्यात घेतले आहे. शहानाच्या कुटुंबीयांनी त्याच्यावर प्राणघातक हल्ला आणि हत्येसह विविध आरोप लावले आहेत. पोलीस याबाबत पुढील तपास करत आहेत.

The post 20 वर्षीय मॉडेल-अभिनेत्रीचा संशयास्पद मृत्यू, राहत्या घरी मृतावस्थेत आढळली appeared first on थोडक्यात घडामोडी.