जळगाव: एक धक्कादायक घटना समोर आली आहे. केंद्रीय मंत्री रक्षा खडसे यांच्या मुलीची छेडछाड केली गेली आहे. छेडछाड झाल्यानंतर रक्षा खडसे थेट पोलिस ठाण्यात पोहोचल्या आहेत. काही टवाळखोर मुलांनी तिच्या मनाविरोधात फोटो काढले. छेडछाड करणाऱ्या चार मुलांच्या विरोधात पोलिसांनी गुन्हा दाखल केला आहे. रक्षा खडसे यांच्या मुलीसोबतच इतर मुलींची देखील छेडछाड केली असल्याचे रक्षा खडसे यांनी म्हटले आहे. ज्यांनी छेडछाड केली, त्या मुलावर आधीच चार गुन्हे दाखल आहेत.

या घटनेबद्दल बोलताना एकनाथ खडसे म्हणाले, “मुक्ताईनगर येथील यात्रेतील हा प्रकार अत्यंत निंदनीय आहे. हे टवाळखोर नसून ते गुंड आहेत. त्यांच्या विरोधात आधीही काही गुन्हे दाखल आहेत. त्या मुली ज्यावेळी यात्रेत हजर होत्या, त्यावेळी पोलिस देखील तिथे हजर होते. पोलिसांनी त्या गुंडांना अडवण्याचा प्रयत्न केला, परंतु त्या गुंडांनी पोलिसांनाही मारहाण केली. पोलिसांना शिवीगाळ केली. पोलिसांनी या गुंडांवर 353 चा गुन्हा दाखल केला आहे. हा एक प्रश्न माझ्या घरामध्ये घडलेला नाही, हा एक सामाजिक प्रश्न आहे. महाराष्ट्रात अशा अनेक घटना घडत आहेत. अनेक घटनांची नोंद होत नाही, किंवा महिला त्या ठिकाणी तक्रार करण्यासाठी पुढे येत नाहीत. तक्रार न झाल्यामुळे अशा घटना उघडकीस येत नाहीत. या घटनेत रक्षा खडसे यांची मुलगी स्वतः तक्रार करण्यासाठी पुढे आली, हे फार मोठे आहे. अन्यथा, बहुतेक मुली तक्रार करण्यासाठी पुढे येत नाहीत,” अशी प्रतिक्रिया राष्ट्रवादीचे ज्येष्ठ नेते आमदार एकनाथ खडसे यांनी दिली.

मुक्ताईनगर मतदारसंघात गेल्या चार-पाच वर्षांत जी गुंडगिरी वाढली आहे, त्या बाबत मी अनेक वेळा विधान परिषदेत आवाज उठवला, परंतु याकडे लक्ष दिले गेले नाही, अशी प्रतिक्रिया एकनाथ खडसे यांनी दिली.

The post केंद्रीय मंत्री रक्षा खडसे यांच्या मुलीची छेडछाड, एकनाथ खडसे स्पष्टच बोलले appeared first on थोडक्यात घडामोडी.

जळगाव : मुक्ताईनगर तालुक्यातील कोथळी गावातील संत मुक्ताई यात्रेच्या कार्यक्रमात केंद्रीय मंत्री रक्षा खडसे यांच्या मुलीसह अन्य मुलींशी टवाळखोरांनी छेडछाड करण्याचा प्रयत्न केल्याची धक्कादायक घटना समोर आली आहे. या प्रकरणी रक्षा खडसे यांनी पोलिसांकडे तात्काळ कारवाई करण्याची मागणी केली आहे.

मिळालेल्या माहितीनुसार, मंत्री रक्षा खडसे यांचे सुरक्षा रक्षक त्यांच्या परिवारासोबत कोथळी गावातील संत मुक्ताई यात्रेला उपस्थित होते. यावेळी काही तरुणांनी मंत्री यांच्या कुटुंबाचे चित्रण करण्याचा प्रयत्न केला. संशयाच्या आधारावर सुरक्षा रक्षकांनी त्या तरुणाच्या मोबाईलची पडताळणी केली. त्यानंतर या तरुणांची सुरक्षा रक्षकांसोबत वादावादी झाली.

रक्षा खडसे आक्रमक :
रक्षा खडसे यांनी या प्रकरणावर आक्रमक प्रतिक्रिया व्यक्त करत पोलिसांकडे या तरुणांना लवकर अटक करण्याची मागणी केली आहे. त्यांनी म्हटले की, इतकी सुरक्षा असताना जर अशी छेडछाड केली जात असेल, तर सामान्य मुलींचं काय होणार? महिला सुरक्षेचा प्रश्न गंभीर आहे आणि यावर कठोर कारवाई करणे आवश्यक आहे. रक्षा खडसे मुक्ताईनगर पोलीस ठाण्यात दाखल झाल्या आणि पोलिसांसोबत चर्चा केली. याप्रकरणी चार तरुणांविरोधात गुन्हा दाखल करण्यात आला असून पोलिसांनी तपास सुरू केला आहे.

महिला सुरक्षेचा मुद्दा पुन्हा एकदा ऐरणीवर आला आहे, आणि आता त्यावर कडक उपाययोजना करण्यात येण्याची आवश्यकता आहे.

The post धक्कादायक! केंद्रीय मंत्री यांच्या मुलीसोबत छेडछाड; पाच जणांविरोधात गुन्हा दाखल appeared first on थोडक्यात घडामोडी.