IPL 2022 : आयपीएलमध्ये आज सुपर सॅटरडे आहे. दिवसाचा पहिला सामना मुंबई इंडियन्स आणि लखनौ सुपर जायंट्स यांच्यात दुपारी ३.३० वाजता सुरु होणार आहे. हा सामना मुंबईच्या ब्रेबॉर्न स्टेडियमवर होणार आहे. पाचवेळा चॅम्पियन मुंबई इंडियन्ससाठी सध्याची स्पर्धा दुःस्वप्न असल्यासारखी आहे. या संघाने पहिले ५ सामने गमावले असून प्लेऑफच्या शर्यतीत टिकून राहण्यासाठी मुंबईकडे आज विजयाशिवाय दुसरा कोणताही पर्याय नाही.

लखनौबद्दल बोलायचे झाले तर, संघाने आतापर्यंत 5 सामने खेळले आहेत आणि 3 सामने जिंकण्यात त्यांना यश आले आहे. दोन सामन्यांत संघाला पराभवाचा सामना करावा लागला. मागील सामन्यात लखनौला राजस्थान रॉयल्सविरुद्धच्या सामन्यात पराभवाला सामोरे जावे लागले होते.

ब्रेबॉर्न स्टेडियमवर मुंबईचा रेकॉर्ड चांगला
मुंबईच्या ब्रेबॉर्न स्टेडियमवर मुंबई इंडियन्सचा रेकॉर्ड खूपच प्रभावी ठरला आहे. संघाने या मैदानावर एकूण 9 आयपीएल सामने खेळले आहेत, त्यात 6 जिंकले आहेत आणि 3 हरले आहेत. मात्र, या मोसमातही रोहित आणि कंपनीने या मैदानावर पहिला सामना खेळला आणि संघाला दिल्ली कॅपिटल्सविरुद्ध पराभवाचा सामना करावा लागला. एकूणच, या मैदानाची आकडेवारी MI च्या बाजूने जाते.

वरिष्ठ खेळाडूंना जबाबदारी घ्यावी लागेल
मुंबईला पुन्हा पराभव टाळायचा असेल, तर संघातील वरिष्ठ खेळाडूंना चांगली कामगिरी करावी लागेल. कर्णधार रोहित शर्मापासून ते कायरॉन पोलार्डपर्यंत कुणीही आतापर्यंत फॉर्ममध्ये दिसले नाहीत. पहिल्या दोन सामन्यात सलग दोन अर्धशतके झळकावणाऱ्या इशान किशननेही नंतर विशेष खेळ दाखवला नाही. हिटमॅनने 5 डावात 108 धावा केल्या आहेत, तर पोलार्डच्या बॅटने केवळ 57 धावा केल्या आहेत.

जसप्रीत बुमराहही गोलंदाजीत लयीत नाही. त्याने 5 सामन्यात 4 विकेट घेतल्या आहेत. बुमराहची इकॉनॉमीही 8 च्या आसपास आहे. त्याच वेळी, टायमल मिल्सने मुंबई इंडियन्ससाठी आपला पहिला हंगाम खेळताना निश्चितपणे 6 विकेट घेतल्या आहेत, परंतु त्याचा इकॉनॉमी रेट देखील 10 च्या आसपास आहे.

The post IPL 2022 : आजचा पहिला सामना मुंबई इंडियन्स आणि लखनौ सुपर जायंट्स यांच्यात दुपारी ३.३० वाजता appeared first on थोडक्यात घडामोडी.

मुंबई : आयपीएल २०२२ मध्ये मुंबई इंडियन्सची सुरुवात चांगली झालेली नाही. पाच वेळा आयपीएलचे विजेतेपद मिळवणाऱ्या मुंबई इंडियन्स संघाने सुरुवातीचे चारही सामने गमावले आहेत. गेल्या सामन्यात कोलकाता नाईट रायडर्सने त्यांचा पराभव केला. चौथ्या पराभवानंतर आता थेट संघ मालक निता अंबानी यांनी खेळाडूंना फोन केला.

मुंबई इंडियन्सच्या सलग चौथ्या पराभवानंतर नीता अंबानी यांनी फोन करून खेळाडूंचा आत्मविश्वास वाढवण्याचा प्रयत्न केला. या फोन कॉलचा व्हिडिओ मुंबई इंडियन्सने सोशल मीडियावर शेअर केला आहे. खेळाडूंशी बोलताना निता अंबानी म्हणतात की, मला तुमच्या सर्वांवर पूर्ण विश्वास आहे. आणि मला आशा आहे की आपण पुढे जाऊ. आपल्याला स्वत:वर विश्वास ठेवण्याची गरज आहे की आपण जिंकणार आहोत. आपण याआधी ही अशा प्रकारच्या परिस्थितीला सामोरे गेलो आहोत. अशा परिस्थितीतून पुढे जात आपण विजेतेपद मिळवले आहे. यामुळेच मला विश्वास वाटतो की आपण एकमेकांना साथ देऊ. जर आपण एकमेकांसोबत राहिलो तर विजय नक्कीच मिळवू. तोपर्यंत तुम्हाला जे काही हवे आहे, त्यासाठी माझा पूर्ण पाठिंबा असेल. कृपया एकमेकांवर आणि स्वत:वर विश्वास ठेवा. मुंबई इंडियन्स नेहमीच तुमच्या सोबत असेल.

????? & ?????? ?

Mrs. Nita Ambani’s message to the team after #RCBvMI.#OneFamily #DilKholKe #MumbaiIndians MI TV pic.twitter.com/CT6XmmvjL7

— Mumbai Indians (@mipaltan) April 10, 2022

मुंबई इंडियन्सचा पुढील सामना १३ एप्रिल रोजी पुण्यात पंजाब किंग्जविरुद्ध होणार आहे. त्यापूर्वी नीता अंबानी यांनी फोन करून खेळाडूंचा आत्मविश्वास वाढवण्याचा प्रयत्न केला. विशेष म्हणजे आयपीएलच्या सुरुवातीलाच सलग सामने गमावण्याची मुंबई इंडियन्सची ही पहिली वेळ नाही. २०१४ साली मुंबईने पहिल्या पाच लढती गमावल्या होत्या. त्यानंतर हंगामात १४ गुणांसह चौथे स्थान मिळवले होते. २०१५ साली पहिल्या ४ लढती गमावल्यानंतर मुंबईने अंतिम फेरीत धडक मारली होती आणि चेन्नई सुपर किंग्जचा पराभव करून विजेतेपद मिळवले होते.

The post मुंबई इंडियन्सच्या सलग चार पराभवानंतर थेट नीता अंबानींनी केला खेळाडूंना फोन, आणि… appeared first on थोडक्यात घडामोडी.

IPL 2021 : आयपीएलमध्ये आज मुंबई इंडियन्स आणि राजस्थान रॉयल्स यांच्यात सामना रंगणार आहे. दोन्ही संघांचे 12-12 सामन्यांत 10-10 गुण आहेत. प्लेऑफमध्ये स्थान मिळवण्यासाठी दोघांनाही उर्वरित सामने जिंकणे आणि त्यांचा नेट रन रेट सुधारणे आवश्यक आहे. या हंगामात मुंबई आणि राजस्थान यांच्यातील पहिला सामना 29 एप्रिल रोजी खेळला गेला. मुंबईने तो सामना 7 गडी राखून जिंकला.

या मोसमात आतापर्यंत चेन्नई सुपर किंग्ज, दिल्ली कॅपिटल्स आणि रॉयल चॅलेंजर्स बेंगलोर हे संघ प्ले-ऑफसाठी पात्र ठरले आहेत. चौथ्या स्थानासाठी कोलकाता नाईट रायडर्स, राजस्थान रॉयल्स, मुंबई इंडियन्स आणि पंजाब किंग्ज हे संघ लढत आहेत. नेट रन रेटच्या बाबतीत, कोलकाता (+0.294) सर्वोत्तम स्थितीत आहे. राजस्थान (-0.337) आणि मुंबई (-0.453) यांना विजयासह त्यांचे नेट रन रेट सुधारण्यासाठी प्रयत्न करावे लागतील. यासाठी त्यांना मोठ्या फरकाने जिंकणे आवश्यक आहे.

गतविजेत्या मुंबई संघाला या मोसमात चांगली कामगिरी करता आलेली नाही. मुंबई इंडियन्सचे अनेक स्टार खेळाडू सध्या आउट ऑफ फॉर्म आहेत. कर्णधार रोहित शर्मा स्वतः फारशा चांगल्या स्थितीत नाही. हार्दिक पंड्या फक्त एका सामन्यात चांगला खेळ दाखवू शकला आहे. मात्र, तो अजूनही गोलंदाजी करत नाही. पोलार्ड देखील त्याच्या प्रतिष्ठेनुसार खेळू शकला नाही. इशान किशनला मागच्या सामन्यात ड्रॉप करावे लागले.

The post आज मुंबई इंडियन्स आणि राजस्थान रॉयल्स यांच्यात सामना, दोघांसमोर ‘करो वा मरो’ परिस्थिती appeared first on थोडक्यात घडामोडी.

नवी दिल्ली : मुंबई इंडियन्सचा फिरकीपटू पियूष चावला याच्या वडिलांचे आज (10 मे) कोरोनामुळे निधन झाले. पियूष चावलाचे वडील प्रमोद कुमार चावला यांची कोविड चाचणी पॉझिटिव्ह आली होती. त्यामुळे त्यांच्यावर दिल्लीतील एका रुग्णालयात उपचार सुरू होते. मात्र, कोरोनामुळे गुंतागुंत निर्माण झाल्यामुळे त्यांना वाचवण्यात यश आले नाही आणि आज अखेर त्यांची प्राणज्योत मालवली.

पियूष चावलाने त्याच्या वडिलांचा एक फोटो पोस्ट करत त्यांच्या निधनाबद्दल सांगितले. तो म्हणाला कि, “त्यांच्याशिवाय आयुष्य आता तसेच राहणार नाही. आज माझा आधारस्तंभ गमावला.” त्याने पोस्टमध्ये लिहिले की सांगण्यास अतिशय वाईट वाटत आहे की माझे वडील प्रमोद कुमार चावला यांचं आज निधन झालं. त्यांना कोरोना झाला होता आणि त्यानंतर त्यांची परिस्थिती गंभीर झाली होती. त्यांच्या आत्म्यास शांती मिळावी.

 

View this post on Instagram

 

A post shared by Piyush Chawla (@piyushchawla_official_)

The post मुंबई इंडियन्सचा फिरकीपटू पियूष चावला याच्या वडिलांचे कोरोनाने निधन appeared first on थोडक्यात घडामोडी.

मुंबई : चेन्नई सुपर किंग्जने धावांचा पाऊस पाडत मुंबई इंडियन्सनंसला २१८ धावांचं कडवं दिल. मुंबई इंडियन्सनं ते आव्हान ४ विकेट राखून गाठलं. कायरन पोलार्डनं वादळी खेळी करत अवघ्या ३४ चेंडूत नाबाद ८७ धावांची तुफान खेळी साकारली आणि मुंबई इंडियन्स संघासाठी विजय खेचून आणला. आयपीएलमध्ये मुंबईच्या संघानं आजपर्यंत दोनशे धावांच्यावरील आव्हान गाठण्यात कधीच यश आलं नव्हतं. पण आज कायरन पोलार्डच्या वादळी खेळीमुळे ते शक्य झालं.

दिल्लीतील अरुण जेटली मैदानात मुंबई इंडियन्स आणि चेन्नई सुपर किंग्ज यांच्यात सामना रंगला होता. रोहित शर्मा आणि क्विंटन डिकॉक या जोडीने 71 धावांची खेळी करुन संघाला चांगली सुरुवात करुन दिली. रोहित शर्मा बाद झाल्यानंतर सुर्यकुमार अवघ्या 3 धावांची भर घालून फिरला. कायरन पोलार्डने 34 चेंडूतील 87 धावांच्या नाबाद खेळीच्या जोरावर मुंबई इंडियन्सने 219 धावांचं कडवं आव्हान पार कारण संख्या झालं. चेन्नई सुपर किंग्जने दिलेल्या 219 धावांच्या आव्हानाचा पाठलाग करताना शेवटच्या षटकात मुंबईला 16 धावांची गरज होती. एनिग्डीच्या गोलंदाजीत 16 धावा करुन पोलार्डने संघाला विजय मिळवून दिला.

Match 27. It’s all over! Mumbai Indians won by 4 wickets https://t.co/ouG4uSjHy2 #MIvCSK #VIVOIPL #IPL2021

— IndianPremierLeague (@IPL) May 1, 2021

मुंबईचा कर्णधार रोहित शर्माने टॉस जिंकून पहिल्यांदा फिल्डिंगचा निर्णय घेतला. पहिल्या ओव्हरमध्ये बोल्टने चेन्नई सुपर किंग्जला पहिला धक्का दिलाय. ऋतूराज गायकवाड अवघ्या 4 धावा करुन माघारी फिरला. त्यानंतर फाफ ड्युप्लेसी आणि मोईन अली या जोडीने चेन्नईचा डाव सावरला. दोघांनी दुसऱ्या विकेटसाठी 108 धावांची भागीदारी केली. बुमराहने मोईन अलीच्या रुपात मुंबई इंडियन्सला दुसरे यश मिळवून दिले. पोलार्डने अर्धशतकी खेळी करणाऱ्या फाफ ड्युप्लेसीसह रैनाची विकेट घेतली. त्यानंतर रायडू आणि रविंद्र जडेजाने मुंबईच्या गोलंदाजांचा खरपूस समाचार घेतला. रायडूने 27 चेंडूत 4 चौकार आणि 7 षटकाराच्या मदतीने 72 धावांची नाबाद खेळी केली. दुसऱ्या बाजूला जडेजाने 22 चेंडूत 22 धावा करत त्याला उत्तम साथ दिली. या दोघांनी 5 व्या विकेटसाठी केलेल्या 102 धावांच्या भागीदारीच्या जोरावर चेन्नई सुपर किंग्डजने 4 गड्यांच्या मोबदल्यात 218 धावा केल्या आहेत.

The post MI vs CSK IPL 2021 : रोमहर्षक! मुंबई इंडियन्सचा चेन्नईवर थरारक विजय, पोलार्डची वादळी खेळी appeared first on थोडक्यात घडामोडी.

चेन्नई : चेन्नईच्या चेपॉक मैदानावर मुंबई इंडियन्स विरुद्ध पंजाब किंग्ज संघांमध्ये आयपीएल २०२१चा १७वा सामना खेळवण्यात आला. नाणेफेक जिंकून पंजाबचा कर्णधार केएल राहुलने प्रथम गोलंदाजीचा निर्णय घेतला. केएल राहुल आणि ख्रिस गेलच्या शानदार फलंदाजीच्या जोरावर पंजाब किंग्जने मुंबई इंडियन्सवर १७.४ षटकातच ९ विकेट राखुन शानदार विजय मिळवला. मुंबईने दिलेले १३२ धावांचे लक्ष्य पंजाबने सहज पार केले आणि या हंगामातील दुसऱ्या विजयाची नोंद केली. त्याआधी मुंबई इंडियन्सने रोहित शर्माच्या अर्धशतकाच्या जोरावर १३१ धावा केल्या होत्या.

पंजाबच्या डावाची सुरूवात राहुल आणि मयांक अग्रवाल यांनी केली. या दोघांनी पहिल्या विकेटसाठी ५३ धावा केल्या. मयांक २५ धावांवर बाद झाला. त्यानंतर ख्रिस गेल आणि राहुलने विजयाचे लक्ष्य सहजपणे पार केले. राहुलने ५२ चेंडूत ३ चौकार आणि ३ षटकारांसह नाबाद ६० धावा केल्या. तर गेलने ३५ चेंडूत ५ चौकार आणि २ षटकारांसह नाबाद ४३ धावा केल्या. मुंबईने दिलेले १३२ धावांचे लक्ष्य पंजाबने सहज पार केले. पंजाबने या विजयामूळे सातव्या स्थानावरून थेट पाचव्या स्थानावर झेप घेतली. मुंबई इंडियन्सच्या गुणतक्यातील स्थानावर कोणताही फरक पडलेला नसून ते चौथ्या स्थानावर कायम आहे.

And that’s that from Chennai.

(60*) from @klrahul11 and 43* from Chris Gayle as #PBKS win by 9 wickets against #MI.

Scorecard – https://t.co/KCBEyHFVDN #VIVOIPL pic.twitter.com/oWfcCxhOmX

— IndianPremierLeague (@IPL) April 23, 2021

पंजाबचा कर्णधार केएल राहुलने नाणेफेक जिंकून प्रथम गोलंदाजी करण्याचा निर्णय घेतला. दीपक हुड्डाने दुसऱ्या ओव्हरच्या अखेरच्या चेंडूवर क्विंटन डी कॉकला ३ धावांवर माघारी पाठवले आणि मुंबईला पहिला धक्का दिला. त्यानंतर इशान किशन ६ धावांवर बाद झाला. त्याला रवी बिश्नोईने बाद केले. पहिल्या १० षटकात मुंबईला फक्त ४८ धावा करता आल्या.

रोहित शर्मा आणि सूर्यकुमार यादव यांनी तिसऱ्या विकेटसाठी अर्धशतकी भागिदारी केली. या जोडीने संघाला १०० च्या पुढे नेले. ही जोडी पुन्हा एकदा रवी बिश्नोईने फोडली. त्याने सूर्यकुमारला ३३ धावांवर बाद केले. त्यानंतर अर्धशतक करणारा रोहित शर्मा ६३ धावांवर माघारी परतला. त्याने ५२ चेंडूत ५ चौकार आणि २ षटकार मारले. मधळ्या फळीतील हार्दिक पंड्या पुन्हा एकदा धावा करण्यात अपयशी ठरला आणि ४ चेंडूत एक धाव करून बाद झाला. अखेरच्या चार षटकात मुंबईला फक्त २६ धावा करता आल्या. मुंबई इंडियन्सला रोहित शर्माच्या अर्धशतकाच्या जोरावर केवळ १३१ धावा करता आल्या.

The post IPL 2021 PBKS vs MI : मुंबईविरुद्दच्या सामन्यात पंजाबचा दणदणीत विजय.. केएल राहुल व ख्रिस गेलची स्फोटक खेळी appeared first on थोडक्यात घडामोडी.

IPL 2021 : आज मुंबई इंडियन्स आणि पंजाब किंग्ज यांच्यात चेन्नई येथे रात्री ७.३० वाजता सामना होणार आहे. गुणतालिकेत मुंबई संघ चौथ्या क्रमांकावर आहे. तर पंजाबचा संघ 4 सामन्यांपैकी १ सामना जिंकून २ गुणांसह आठव्या म्हणजे शेवटच्या स्थानावर आहे.

रोहित शर्माच्या नेतृत्वात मुंबईच्या संघाने फलंदाजांच्या खराब कामगिरीमुळे दिल्ली कॅपिटल विरुद्ध झालेला मागील सामना गमावला होता. तर पंजाबचा संघ पराभवाची हॅटट्रिक करुन या सामन्यात येत आहे.

सामन्यात या आकडेवारीवर लक्ष राहील :

1. जसप्रीत बुमराह मुंबई इंडियन्सकडून आपला 100 वा सामना खेळणार आहे. त्याने मुंबईकडून आयपीएलमध्ये 96 सामने आणि चॅम्पियन्स लीगमध्ये 3 सामने खेळले आहेत.
2. मयंक अग्रवालने आतापर्यंत पंजाब किंग्जकडून 981 धावा केल्या आहेत. म्हणजेच, त्याने 19 धावा पूर्ण करताच या संघासाठी त्याच्या १००० धावा पूर्ण होतील.
3. मुंबईचा अष्टपैलू खेळाडू क्रुणाल पंड्या आयपीएलमध्ये विकेटचे अर्धशतक ठोकू शकतो. त्याच्या नावावर आतापर्यंत 75 सामन्यांत 49 विकेट्स आहेत.

The post IPL 2021 : आज मुंबई इंडियन्स आणि पंजाब किंग्ज यांच्यात सामना, ‘या’ आकडेवारीवर राहील लक्ष… appeared first on थोडक्यात घडामोडी.

IPL २०२१ : आज IPL च्या 9 व्या सामन्यात मुंबई इंडियन्स आणि सनरायझर्स हैदराबाद समोरासमोर असतील. चेन्नईच्या चेपक स्टेडियमवर रात्री ७.30 वाजता हा सामना सुरू होईल. या हंगामात हैदराबादच्या संघाला त्यांच्या दोन्ही सामन्यात पराभवाला सामोरे जावे लागले आहे, त्यामुळे आजचा सामना जिंकून पहिला विजय मिळवण्याचं आव्हान त्यांच्यासमोर असेल.

या मोसमात मुंबईने आतापर्यंत 2 सामने खेळले आहेत. RCB समोर मुंबई संघाला पराभवाला सामोरे जावे लागले. तर केकेआर विरुद्ध सामना जिंकला. लीगमध्ये मुंबई इंडियन्स आणि सनरायझर्स हैदराबाद यांच्यात 16 सामने खेळले गेले आहेत. यापैकी दोन्ही संघांनी 8-8 सामने जिंकले आहेत.

चेपॅक स्टेडियमची खेळपट्टी स्पिनर्सला उपयुक्त ठरली आहे. फिरकीपटू येथे आश्चर्यकारक प्रदर्शन करू शकतील अशी अपेक्षा आहे. या खेळपट्टीवर मागील सामन्यात राहुल चहर आणि राशिद खान यांनी चांगली गोलंदाजी केली. या मैदानावर या मोसमात आतापर्यंत 4 सामने झाले आहेत. त्यात प्रथम फलंदाजी करणारा संघ 3 सामने जिंकला आणि नंतर फलंदाजी करणार्‍या संघाने केवळ 1 सामना जिंकला. 14 व्या मोसमात या खेळपट्टीवर एकूण 62 विकेट पडल्या आहेत. त्यापैकी फिरकीपटूंनी 20 विकेट्स घेतल्या आहेत.

The post IPL 2021 : आज मुंबई इंडियन्स आणि सनरायझर्स हैदराबाद यांच्यात सामना appeared first on थोडक्यात घडामोडी.

IPL २०२१ : मुंबई इंडियन्सने कोलकातावर 10 धावांनी मात करत मोसमातील पहिला विजय साजरा केला. 153 धावांच्या आव्हानाचा पाठलाग करण्यासाठी उतरलेल्या कोलकाताच्या संघाला आव्हान पूर्ण करता आले नाही. त्यामुळे एकवेळ त्यांच्या हाताशी आलेला विजय हातातून निसटला. त्यांना केवळ 142 धावांपर्यंत मजल मारता आली.

मुंबईकडून क्विंटन डि कॉक आणि रोहित शर्मा यांनी डावाची सुरुवात केली. मात्र, डि कॉकला वरुण चक्रवर्तीने अवघ्या दोन धावांवर तंबूत धाडले. त्यानंतर सूर्यकुमार यादवने हरभजनच्या एका षटकात तीन चौकार लगावले. मुंबईने पहिल्या पॉवरप्लेमध्ये 1 बाद 42 धावा केल्या. त्याने रोहितसोबत 33 चेंडूत अर्धशतकी भागीदारी रचली. फिरकीपटू शाकिब अल हसनने सूर्यकुमारला बाद करत ही भागीदारी मोडली. सूर्यकुमारने 7 चौकार आणि 2 षटकारांसह 56 धावांची खेळी केली. संयमी खेळी करणारा रोहितही 43 धावांवर बाद झाला. कमिन्सने त्याला बोल्ड केले. ईशान किशन, हार्दिक पंड्या मोठे फटके खेळण्याच्या नादात बाद झाले. अष्टपलू खेळाडू आंद्रे रसेलने कायरन पोलार्ड, मार्को जानसेन, कृणाल पंड्या, जसप्रीत बुमराह आणि राहुल चहर यांना बाद करत मुंबईच्या डावाला खिंडार पाडले. पॅट कमिन्सने 2 बळी घेतले.

मुंबईच्या 153 धावांच्या आव्हानाचा पाठलाग करताना कोलकाताचे सलामीवीर शुबमन गिल आणि नितीश राणा यांनी 72 धावांची सलामी भागीदारी रचली. त्यानंतर राहुल चहरने गिलला (३३ धावा) माघारी धाडत मुंबईला पहिले यश मिळवून दिले. त्यानंतर चहरने ईऑन मॉर्गन (7), राहुल त्रिपाठी (5) यांनाही बाद केले. नितीश राणाने सलग दुसरे अर्धशतक पूर्ण केले. मात्र, चहरने त्यालाही बाद केले. राणाने 6 चौकार आणि 2 षटकारांसह 57 धावा केल्या. राणा बाद झाल्यानंतर अपेक्षित धावा आणि चेंडू यांचे अंतर वाढतच गेले. शेवटच्या दोन षटकात बुमराह आणि बोल्टने अप्रतिम गोलंदाजी केली. शेवटच्या षटकात 15 धावांची गरज असताना बोल्टने रसेल आणि कमिन्स यांना बाद केले आणि मुंबईने यंदाच्या हंगामात पहिला विजय मिळवला.

The post IPL 2021 : रोमांचक सामन्यात मुंबईचा कोलकाताविरुद्ध 10 धावांनी विजय appeared first on थोडक्यात घडामोडी.

मुंबई  :  मुंबई इंडियन्सचा स्टार क्रिकेटपटू कृणाल पांड्याला पोलिसांनी ताब्यात घेतल्यानं एकच खळबळ उडाली आहे. कृणाल पांड्याकडे नियमाप्रमाणे ठरवून दिलेल्या प्रमाणापेक्षा जास्त सोने सापडल्यानंतर डीआरआयनं त्याला ताब्यात घेतलं आहे. मुंबई विमानतळावर जास्त सोनं आणल्याने ही कारवाई करण्यात आली आहे. आयपीएल संपल्यानंतर कृणाल पांड्या भारतात परतत होता.

The post मुंबई इंडियन्सचा स्टार क्रिकेटपटूला मुंबई विमानतळावर पोलिसांनी घेतले ताब्यात appeared first on थोडक्यात घडामोडी.