पश्चिम बंगाल : पश्चिम बंगालच्या मुख्यमंत्री ममता बॅनर्जी यांनी शनिवारी वक्फ विधेयकावर आपल्या भूमिकेचा पुनरुच्चार केला, त्या म्हणाल्या की, तृणमूल काँग्रेस सरकार या कायद्याला पाठिंबा देत नसल्याने राज्यात हा कायदा लागू करणार नाही.

एक्सवरील एका दीर्घ पोस्टमध्ये बॅनर्जी यांनी सर्व धर्माच्या लोकांना “शांत राहा” आणि “संयम ठेवा” असे आवाहन केले. प्रत्येक मानवी जीवन मौल्यवान आहे, राजकारणासाठी दंगली भडकावू नका. जे दंगली भडकावत आहेत ते समाजाचे नुकसान करत आहेत. लक्षात ठेवा, आम्ही असा कायदा बनवला नाही ज्याच्या विरोधात अनेक लोक आंदोलन करत आहेत. हा कायदा केंद्र सरकारने बनवला आहे. त्यामुळे तुम्हाला हवे असलेले उत्तर तुम्ही केंद्र सरकारकडून मागितले पाहिजे.”

ममता पुढे म्हणाल्या की, तृणमूल काँग्रेसने वक्फ सुधारणा विधेयकावर आपली भूमिका स्पष्ट केली आहे. पश्चिम बंगालमध्ये त्याची अंमलबजावणी होणार नाही. तसेच, लक्षात ठेवा, आम्ही दंगली भडकवणाऱ्यांवर कायदेशीर कारवाई करू. आम्ही कोणत्याही हिंसक कृतीला मान्यता देत नाही. काही राजकीय पक्ष राजकीय फायद्यासाठी धर्माचा वापर करण्याचा प्रयत्न करत आहेत. त्यांच्या मन वळवण्याला बळी पडू नका. मला वाटते की धर्म म्हणजे मानवता, सद्भावना, सभ्यता आणि सुसंवाद. मी सर्वांना शांतता आणि सौहार्द राखण्याचे आवाहन करते, ममता म्हणाल्या.

वक्फ दुरुस्ती विधेयकाच्या निषेधार्थ बंगालच्या मुर्शिदाबाद जिल्ह्यात तोडफोडीच्या घटना घडल्या आहेत, त्यावर ममता बॅनर्जी यांनी हे विधान केले आहे. मुर्शिदाबादमधील जलंगी बीडीओ कार्यालयाचीही निदर्शकांनी तोडफोड केली.

दरम्यान, पश्चिम बंगालमधील अशांततेच्या पार्श्वभूमीवर, पोलिसांनी “गुंडगिरी” मध्ये सहभागी असलेल्यांविरुद्ध कठोर कारवाई करण्याचे आश्वासन दिले आहे.

The post ‘बंगालमध्ये वक्फ कायदा लागू होणार नाही’, ममता बॅनर्जींकडून भूमिकेचा पुनरुच्चार, लोकांना केले ‘हे’ आवाहन appeared first on थोडक्यात घडामोडी.

पश्चिम बंगाल : पश्चिम बंगाल सरकार आता राज्यात कोरोना लस प्रमाणपत्र देताना पंतप्रधान मोदींच्या ऐवजी ममता बॅनर्जी यांचा फोटो लावणार आहे. काही दिवसांपूर्वी छत्तीसगड सरकारने कोरोना लस घेणाऱ्यांना दिलेल्या प्रमाणपत्रात पंतप्रधानांऐवजी राज्याचे मुख्यमंत्री भूपेश बघेल यांचा फोटो वापरल्याने गदारोळ झाला होता.

राज्य सरकारने खरेदी केलली लस टोचल्यानंतर प्रत्येक प्रमाणपत्रावर यापुढे मुख्यमंत्री ममता बॅनर्जी यांचा फोटो येणार असल्याचे सांगितले जात आहे. याअगोदर कोविड प्रतिबंधक लस दिल्यानंतर देण्यात येणाऱ्या प्रमाणपत्रावर पंतप्रधान नरेंद्र मोदी यांचा फोटो होता. मात्र, आता 18 ते 45 वर्ष वयोगटातील नागरिकांच्या प्रमाणपत्रावर मुख्यमंत्री ममता बॅनर्जी यांचा फोटो दिसणार आहे. कोलकाता येथील क्वेस्ट मॉल येथे राज्य सरकारने ड्राइव्ह-ई लसीकरण सुरू केले आहे. राज्य सरकारचे मंत्री फिरहाद हकीम म्हणाले, की आम्ही राज्यात दररोज 3 लाख लोकांचे लसीकरण करीत असून हे प्रमाण अधिक वाढवणार आहोत.

पश्चिम बंगालच्या मुख्यमंत्री ममता बॅनर्जी यांनी बुधवारी सांगितले की, डिसेंबर 2021 पूर्वी देशातील सर्व नागरिकांचे लसीकरण करणार असल्याचं केंद्राचं वक्तव्य खोटं आहे. ते फक्त निराधार गोष्टी बोलत आहेत. केंद्र सरकार राज्यांना लस पुरवठा करत नाही. केंद्राने राज्यांसाठी लस विकत घ्यावी आणि सर्वांना ती विनामूल्य द्यावी.

The post बंगालमध्ये लस प्रमाणपत्रावर लावणार मुख्यमंत्री ममता बॅनर्जी यांचा फोटो appeared first on थोडक्यात घडामोडी.

कोलकाता : पश्चिम बंगालच्या मुख्यमंत्री ममता बॅनर्जी यांचा छोटा भाऊ आशिम बॅनर्जी यांचे निधन झाले आहे. आशिम बॅनर्जी यांना एक महिन्यापूर्वी कोरोनाची लागण झाले होती. त्यांना कोलकाताच्या मेडिका सुपरस्पेशालिटी हॉस्पिटलमध्ये दाखल करण्यात आले होते, तेथे त्यांच्यावर उपचार सुरु होते. मात्र, उपचारांना यश आले नाही आणि आज सकाळी रुग्णालयात त्यांचे निधन झाले.

मेडिका हॉस्पिटलचे अध्यक्ष डॉ. आलोक रॉय यांनी या बातमीला दुजोरा दिला आहे. मिळालेल्या माहितीनुसार, आशिम बॅनर्जी यांच्यावर कोरोना प्रोटोकॉलचे पालन करून अंतिम संस्कार करण्यात येणार आहेत.

Heartfelt condolences to West Bengal @MamataOfficial on losing her younger brother Ashim Banerjee ?? pic.twitter.com/pKpEwDgHeO

— Rajan Tewari (@Rajan_Tewari) May 15, 2021

The post ममता बॅनर्जी यांचा भाऊ आशिम बॅनर्जी यांचे कोरोनाने निधन appeared first on थोडक्यात घडामोडी.

कोलकाता : पश्चिम बंगालमधून भाजपचा मोठा पराभव झाला असला तरी ममता बॅनर्जी यांचा प्रभाव झाला आहे नंदीग्राम मधून भाजपच्या सुवेंदू अधिकारी यांचा विजय झाला आहे. ममता बॅनर्जी यांचा भाजपच्या सुवेंदू अधिकारी यांनी पराभव केल्याचं समजत आहे. पराभव झाल्याचं ममतांनी जवळजवळ मान्य केलं आहे. पण आपण कोर्टात जाणार असल्याचं ममता म्हणाल्या आहेत.

ममता बॅनर्जींच्या नेतृत्त्वातील तृणमूल काँग्रेसने मोठा विजय प्राप्त केला आहे. सध्या तृणमूल 215 जागांवर आघाडीवर आहे. भाजप 75 जागांवर आघाडीवर आहे. बंगालमध्ये तृणमूल आणि भाजपमध्ये थेट लढत होती. या लढतीकडे सर्व देशाचे लक्ष लागले होते.

ममता बॅनर्जी म्हणाल्या कि, “मला निकाल मान्य आहे, पण आम्ही कोर्टात जाणार आहोत. मला अशी माहिती मिळत आहे कि निकाल जाहीर झाल्यानंतर काही फेरफार करण्यात आले आहेत. आम्ही त्यातील सत्य शोधणार आहोत आणि ते जनतेसमोर आणू.”  त्या पुढे बोलताने म्हटल्या कि नंदीग्रामबाबत काळजी करु नका. मी नंदीग्राममधून लढले कारण ही एक चळवळ होती. नंदीग्रामच्या लोकांना जो काही निर्णय द्यायचा आहे तो देऊ द्या. तो मला मान्य आहे. मला फरक पडत नाही. पण आम्ही जिंकलो आहोत आणि भाजपचा मोठा पराभव झाला आहे. भाजपने घाणेरडं राजकारण केलं. भाजप हरली आहे. निवडणूक आयोगाचा एकांगीपणा देखील आम्हाला यावेळी सहन करावा लागला.

The post गड आला पण.. ममता बॅनर्जींचा पराभव, जनतेचा कौल मान्य पण कोर्टात जाणार : ममता बॅनर्जी appeared first on थोडक्यात घडामोडी.

पश्चिम बंगालच्या मुख्यमंत्री ममता बॅनर्जी यांच्या पायाला झालेल्या दुखापतीबद्दलच्या अहवालानंतर आता चित्र स्पष्ट झाले आहे. याबाबतीत अनेक वेगवेगळ्या अहवालांच्या आधारे निवडणूक आयोग या निष्कर्षापर्यंत पोहोचला आहे की ममता बॅनर्जी यांच्यावर हल्ला झालेला नाही, त्याबाबत कोणताही पुरावा मिळालेला नाही. म्हणजेच नंदीग्राममध्ये ममता यांच्या पायाला झालेली जखम हा एक अपघात होता.

ममता बॅनर्जी जखमी झाल्यानंतर निवडणूक आयोगाने राज्याचे मुख्य सचिव अलापन बंडोपाध्याय, विशेष पोलिस पर्यवेक्षक विवेक दुबे आणि विशेष पर्यवेक्षक अजय नायक यांनी तयार केलेल्या अहवालावरून हा निर्णय घेण्यात आहे. शनिवारी सायंकाळी या घटनेचा सविस्तर अहवाल आयोगाला सादर करण्यात आला. काही तासांपूर्वी विशेष पोलिस पर्यवेक्षक आणि विशेष पर्यवेक्षक यांचे अहवालही आयोगाला मिळाले. त्यानंतर आज दुपारी बैठक बोलावून या विषयावर सविस्तर चर्चा करण्यात आली. चर्चेनंतर निवडणूक आयोगाने सांगितले की ममता बॅनर्जी यांच्यावर हल्ला झाल्याचा पुरावा मिळालेला नाही.

बंगालचे मुख्य सचिव अलापन बंडोपाध्याय यांनी आपला नवीन चौकशी अहवाल निवडणूक आयोगाला सादर केला होता कारण त्यांच्या पहिल्या अहवालात घटनेमागील खरे कारण काय होते हे समजू शकले नाही. ही घटना कोठे व कशी घडली हे या पहिल्या अहवालावरून कळू शकले नाही. मुख्य सचिवांनी आपल्या अहवालात गर्दीचा दबाव, अरुंद रस्ता, रस्त्याच्या कडेला असलेला लोखंडी खांब, दरवाजा धक्का लागून बंद झाला, ममता यांचा बाहेर असलेला पाय जखमी झाला, यासारख्या वस्तुस्थितीनुसार गोष्टी नमूद केल्या होत्या, परंतु, हा अहवाल एका निर्णयापर्यंत पोहोचला नव्हता.

त्यानंतर मात्र वेगवेगळ्या अहवालांवर विचारमंथन केल्यानंतर निवडणूक आयोगाने असा निष्कर्ष काढला आहे की ममता बॅनर्जी यांना झालेली जखम ही हल्ल्यामुळे झाली नव्हती. तर तो एक अपघात होता. मात्र, ममता बॅनर्जी यांनी षडयंत्रांतर्गत त्यांच्यावर हल्ला करण्यात आल्याचा आरोप केला होता.

The post ममता बॅनर्जी यांच्यावर हल्ला झालाच नाही, निवडणूक आयोगाचा निर्णय appeared first on थोडक्यात घडामोडी.

निवडणूक आयोगाने ममता बॅनर्जी यांच्या तृणमूल कॉंग्रेस (TMC) च्या तक्रारीनंतर पंतप्रधान नरेंद्र मोदी यांचा लस घेतानाच फोटो आणि व्हिडिओ येत्या ७२ तासांत निवडणूक प्रचाराच्या माध्यमातून हटवण्याचे आदेश दिले आहेत. टीएमसीने निवडणूक आयोगाकडे दिलेल्या तक्रारीत हे भाजपचे सेल्फ प्रमोशन असल्याचे म्हटले आहे.

पश्चिम बंगालमध्ये पेट्रोल पंपांसह अनेक सार्वजनिक ठिकाणी पंतप्रधान नरेंद्र मोदी यांच्या लस घेतानाचा फोटोंचे होर्डिंग्ज लावण्यात आले आहेत. टीएमसीने या होर्डिंग्जविरोधात आयोगाकडे तक्रार केली होती. तक्रारीनंतर आयोगाने आता पुढील 72 तासांत असे पोस्टर्स काढण्याचे आदेश जारी केले आहेत.

Elections declared. PM photo still brazenly appearing on #COVID19 documents. Trinamool @AITCofficial taking this up strongly with Election Commission @ECISVEEP https://t.co/Mh3zwP59Wj

— Derek O’Brien | ডেরেক ও’ব্রায়েন (@derekobrienmp) March 2, 2021

तृणमूल कॉंग्रेसचे खासदार डेरेक ओ ब्रायन यांनी निवडणूक आयोगाकडे तक्रार केली होती. या लसीकरणाच्या प्रमाणपत्रात पंतप्रधान मोदींच्या छायाचित्र व्यतिरिक्त इंग्रजी आणि हिंदी भाषेत त्यांच्या वतीने संदेशही छापण्यात आलेला आहे.

डेरेक ओ ब्रायन यांनी आपल्या तक्रारीत म्हटले की पंतप्रधान मोदी आरोग्य मंत्रालयाने दिलेल्या लसीकरणाच्या प्रमाणपत्राद्वारे आपल्या पदाचा गैरवापर करत आहेत तसेच कोविड लस तयार करणाऱ्यांचे श्रेयदेखील चोरत आहेत.

The post ब्रेकिंग : निवडणूक आयोगाचा आदेश, पंतप्रधान मोदींचा ‘तो’ फोटो 72 तासात काढून टाका appeared first on थोडक्यात घडामोडी.

नेताजी सुभाषचंद्र बोस यांच्या 125 व्या जयंतीनिमित्त कोलकाताच्या व्हिक्टोरिया मेमोरियल हॉल येथे झालेल्या कार्यक्रमात पश्चिम बंगालच्या मुख्यमंत्री ममता बॅनर्जी संतापल्या. येथे त्यांनी भाषण करण्यास नकार दिला. झालं असं कि, ममता बॅनर्जी भाषण देण्यासाठी व्यासपीठावर आल्या आणि जोरदार घोषणाबाजी सुरू झाली. यावेळी कोणाचा अपमान करणे योग्य नाही, असे ममता बॅनर्जी म्हणाल्या.

ममता बॅनर्जी भाषण देण्यासाठी स्टेजवर पोहोचताच जयश्री राम अशा जोरदार घोषणा दिल्या गेल्या. यामुळे चिडलेल्या ममता बॅनर्जी यांनी मंचावर बोलण्यास नकार दिला. एकीकडे जयश्री राम आणि दुसरीकडे भारत माता की जय ह्या घोषणा दिल्या जात होत्या. यावर ममता बॅनर्जी नाराज झाल्या आणि म्हणाल्या कि, “जर आपण एखाद्याला आमंत्रित केले असेल तर अशा प्रकारे त्याचा अपमान केला जाऊ शकत नाही. मी आता काहीच बोलणार नाही. जय हिंद, जय बांग्ला”

The post पंतप्रधान मोदींच्या मंचावर ममता बॅनर्जी संतापल्या, भाषण करण्यास दिला नकार appeared first on थोडक्यात घडामोडी.

पश्चिम बंगाल :  करोना महामारीमुळे पाच महिन्यापासून देशभरातील चित्रपटगृहे बंद आहेत,  करोनाच्या या संकाटामध्येही पश्चिम बंगालमध्ये एक ऑक्टोबरपासून चित्रपटगृहे उघडण्याची परवानगी देण्यात आली आहे. शनिवारी पश्चिम बंगालच्या मुख्यमंत्री ममता बॅनर्जी यांनी हा निर्णय घेतला आहे. चित्रपटगृहे सुरु करणारे पश्चिम बंगाल देशातील पहिलं राज्य ठरले आहे.

To return to normalcy, Jatras, Plays, OATs, Cinemas & all musical, dance, recital & magic shows shall be allowed to function with 50 participants or less from 1 Oct, subject to adherence to physical distancing norms, wearing of masks & compliance to precautionary protocols.

— Mamata Banerjee (@MamataOfficial) September 26, 2020

ट्विट करत मुख्यमंत्री ममता बॅनर्जी म्हणाल्या की, “सामन्य परिस्थितीकडे जाताना, नाटक (प्ले), ओएटी, चित्रपटगृह, म्युझिकल व नृत्य कार्यक्रम आणि मॅजिक शोला एक ऑक्टोबर पासून परवानगी देण्यात येत आहे. पण या सर्व ठिकाणी ५० पेक्षा कमी जणांची उपस्थिती असायला हवी. यादरम्यान सर्वांनी सोशल डिस्टन्सिंगचे पालन करायला हवं. शिवाय मास्क आणि इतर नियमांचेही पालन करावे.”

The post थिएटर्स उघडणार, ममता बॅनर्जींचा निर्णय appeared first on थोडक्यात घडामोडी.