चंदीगढ : भारतीय वायुसेनेचं MIG -२१ लढाऊ विमान गुरुवारी रात्री उशिरा दुर्घटनाग्रस्त झालं. नियमित प्रशिक्षण सुरु असताना पंजाबमधील मोगाजवळ ही घटना घडली. या दुर्घटनेमध्ये वैमानिक स्क्वाड्रन लीडर अभिनव चौधरी यांचा मृत्यू झाला. सदर दुर्घटनेबाबत वायुसेनेनं दु:ख व्यक्त केलं आहे.

वेस्टर्न सेक्टरमध्ये काल रात्री बायसन एअरक्राफ्ट दुर्घटनाग्रस्त झालं. वैमानिक स्क्वाड्रन लीडर अभिनव चौधरी यांचा यामध्ये मृत्यू झाला असून हे दुःखद आहे. आम्ही त्यांच्या कुटुंबाबरोबर आहोत, अशी माहिती वायुसेनेकडून देण्यात आली आहे. या प्रकरणाची न्यायालयीन चौकशी करण्याचे आदेशही देण्यात आल्याचं वायुदलानं स्पष्ट केलं आहे.

A Court of Inquiry has been ordered to ascertain the cause of the accident.

— Indian Air Force (@IAF_MCC) May 21, 2021

The post वायुसेनेचं लढाऊ विमान दुर्घटनाग्रस्त, वैमानिक स्क्वाड्रन लीडर अभिनव चौधरी यांचा मृत्यू appeared first on थोडक्यात घडामोडी.

भारतीय वायुसेनेचे मिग -21 बाइसन विमान कोसळले. या अपघातात ग्रुप कॅप्टन ए गुप्ता यांचा मृत्यू झाला आहे. लढाऊ प्रशिक्षण अभियानासाठी हे विमान मध्य भारतातील एअरबेसवरून रवाना झाले होते. भारतीय वायुसेनेने ग्रुप कॅप्टन ए गुप्ता यांच्या मृत्यूबद्दल दुःख व्यक्त केले असून त्यांच्या कुटुंबियांसोबत दृढपणे उभे असल्याचं सांगितलं आहे. या अपघाताचे कारण शोधण्यासाठी कोर्ट ऑफ इन्क्वायरीला आदेश देण्यात आले आहेत.

The IAF lost Group Captain A Gupta in the tragic accident. IAF expresses deep condolences and stands firmly with the family members. A Court of Inquiry has been ordered to determine the cause of the accident.

— Indian Air Force (@IAF_MCC) March 17, 2021

The post ब्रेकिंग : भारतीय वायुसेनेचे मिग -21 बाइसन विमान दुर्घटनाग्रस्त, ग्रुप कॅप्टनचा मृत्यू appeared first on थोडक्यात घडामोडी.

नवी दिल्ली : उत्तराखंडच्या चमोली जिल्ह्यातील तपोवन भागात हिमनदी फुटल्यानं भीषण परिस्थिती निर्माण झाली आहे. या दुर्घटनेत १५ जणांचा मृत्यू झाला असून १५० पेक्षा जास्त जण अजूनही बेपत्ता असल्याची भीती व्यक्त होत आहे. दुर्घटनाग्रस्तांच्या मदतीसाठी भारतीय हवाईदलाकडून मदत पुरवण्यात येत आहे. जवळपास १३ गावांचा संपर्क अजूनही तुटलेला असल्याचं समोर आलं आहे. जिल्हा प्रशासनाकडून या भागात हेलिकॉप्टरच्या मदतीनं अन्न-धान्याची पाकिटं नागरिकांना पुरवण्याचा निर्णय घेण्यात आला आहे.

एनडीआरएफ आणि भारतीय हवाईदलाला संयुक्तपणे बचावकार्याची जबाबदारी देण्यात आली आहे. त्यानंतर भारतीय हवाईदलाकडून तीन हेलिकॉप्टर मदतीसाठी पाठवण्यात आले आहेत. यामध्ये दोन ‘एमआय १७’ आणि एका ‘एएलएच ध्रव’ या हेलिकॉप्टरचा समावेश आहे. रविवारी सकाळी रेस्क्यू ऑपरेशनसाठी भारतीय हवाईदलाकडून हे तिनही हेलिकॉप्टर ‘डिझास्टर रिलीफ टीम’सोबत देहरादूनहून जोशीमठासाठी रवाना झाले आहेत.

भारतीय हवाईदलाकडून गरज पडल्यास आणखी विमानांना मदतीसाठी तैनात करण्यात येईल. हवाईदलाच्या सी १३० आणि AN ३२ या एअरक्राफ्टच्या मदतीनं जॉली ग्रान्ट विमानतळाहून एनडीआरएफ कर्मचाऱ्यांना एअरलिफ्ट करण्यात आलं. भारतीय हवाईदलाकडून रविवारी सायंकाळी हिंडनहून सी १३० द्वारे ६० जवानांसहीत पाच टन भार एअरलिफ्ट करण्यात आला. तर जॉली ग्रँटवर तीन Mi -17 देखील तैनात करण्यात आले आहेत.

बचावकार्यासाठी भारतीय लष्कर, एसडीआरएफ, आयटीबीपी आणि भारतीय वायुसेनेसहीत इतरही सुरक्षा यंत्रणा तैनात करण्यात आलीय. रविवारी हिमनदी फुटल्याचं समजताच आयटीबीपी, एनडीआरएफ आणि एडीआरएफची टीम बचावकार्यात सक्रीय झाली होती. तर हवाईदलाला सतर्क राहण्याचे आदेश देण्यात आले होते.

आयएएफने दिलेल्या नुकसानीच्या अहवालानुसार, धौली गंगा आणि ऋषी गंगा यांच्या संगमावरील तपोवन हायड्रो इलेक्ट्रिक पॉवर धरण संपूर्णपणे नष्ट झाले आहे. मलेरी खोऱ्याच्या सुरूवातीला बांधलेले दोन पूलही नष्ट झाले आहेत. जोशीमठ आणि तपोवन यांना जोडणारा मुख्य रस्ता सुरक्षित आहे. तपोवनमधील बर्‍याच भागात प्रचंड नुकसान झालं आहे. पिपलकोटी, चमोली तसेच धौली गंगा आणि अलकनंदा हे भाग देखील प्रभावित झाले आहेत.

The post उत्तराखंड हिमनदी दुर्घटना : जवळपास १३ गावांचा संपर्क अजूनही तुटलेला, हेलिकॉप्टरमधून पुरवणार अन्न-धान्याची पाकिटं appeared first on थोडक्यात घडामोडी.