पुणे : डी सी सी इन्फोटेक प्रायव्हेट लिमिटेड या कंपनीच्या ३३ व्या वर्धापनदिनानिमित्त पुणे शहरात भव्य रक्तदान शिबिराचे आयोजन करण्यात आले. या शिबिरात कंपनीचे अधिकारी, कर्मचारी तसेच सामाजिक कार्यकर्त्यांनी उत्स्फूर्त सहभाग नोंदवून एकूण १११ रक्तदात्यांनी रक्तदान केले.

सद्यस्थितीत पुणे शहरात रक्ताचा तीव्र तुटवडा निर्माण झाल्याने अनेक रुग्णांच्या शस्त्रक्रिया पुढे ढकलल्या जात आहेत. या पार्श्वभूमीवर समाजाप्रती आपली जबाबदारी ओळखून कंपनीने हे रक्तदान शिबिर आयोजित केले.

या उपक्रमात कंपनीचे संचालक शरद मुलमुले, अनिरुद्ध म्हस्के, लहुराज गायकवाड, जीवन कदम, शरद लोंढे, आणि जयसिंग जाधव यांनी पुढाकार घेतला. तसेच कंपनीचे इतर पदाधिकारी रोहित पुरी, प्रशांत पवार, राजेश नवले यांनी आयोजनात महत्त्वपूर्ण भूमिका बजावली.

सामाजिक कार्यकर्ते अपूर्व खाडे आणि प्रसन्न मोरे यांच्या सहकार्याने शिबिर यशस्वीरीत्या पार पडले. सर्व रक्तदात्यांनी उत्साहाने सहभाग घेत समाजाप्रती आपली बांधिलकी दाखवून दिली.

कंपनीचे संचालक जीवन कदम यांनी सांगितले की, “रक्तदान ही सर्वश्रेष्ठ सेवा असून प्रत्येकाने या मानवतावादी कार्यात सहभागी व्हावे. पुणेकरांच्या आरोग्यासाठी हे आमचे लहानसे योगदान आहे.”

या यशस्वी रक्तदान शिबिरामुळे अनेक रुग्णांना जीवनदान मिळणार असून, कंपनीच्या सामाजिक बांधिलकीचा हा उपक्रम एक आदर्श ठरला आहे.

The post डी सी सी इन्फोटेक प्रायव्हेट लिमिटेड तर्फे रक्तदान शिबिराचे आयोजन appeared first on थोडक्यात घडामोडी.