पुणे : आंबील ओढ्यालगत असलेली अतिक्रमणे हटविण्याच्या कारवाईला न्यायालयाने स्थगिती दिली आहे. न्यायालयाच्या आदेशानंतर महापालिकेकडून तात्काळ कारवाई थांबवण्यात आली आहे. दांडेकर पुलाजवळील सर्व्हे नंबर १३३ येथील आंबील ओढ्याच्या परिसरात मोठ्या प्रमाणात अतिक्रमणं आहेत. ओढ्यामध्ये भर टाकून बांधकामं केली आहेत. अशा परिस्थितीत पावसाळ्यात या परिसरात पाणी तुंबते, त्यामुळे येथील अतिक्रमणं हटविण्याची नोटीस पुणे महापालिकेने काढली होती. त्यानुसार आजपासून कारवाई सुरू करण्यात आली होती.

दरम्यान, स्थानिक नागरिकांनी या कारवाईला जोरदार विरोध केला. त्यानंतर प्रचंड तणाव निर्माण झाला होता. आंबील ओढा परिसरात झोपडपट्टी पुनर्वसन प्रकल्प जाहीर करण्यात आला आहे. त्यासाठी महापालिकेकडून ओढ्याचा नैसर्गिक प्रवाह बदलल्याचा आरोप येथील नागरिकांनी केला आहे. ही जागा बिल्डरच्या घशात घालण्याचा प्रयत्न असून त्यात लोकप्रतिनिधींचा हात असल्याचा आरोप नागरिकांनी केला. महापालिकेनं कोणतीही पूर्वसूचना न देता कारवाई केल्याचा आरोप स्थानिक रहिवाशांनी केला आहे. त्यानंतर वातावरण तापले आणि पोलीस व स्थानिकांमध्ये जोरदार झटापट झाली. नागरिक मागे हटायला तयार नव्हते. त्यामुळं या परिसरात प्रचंड तणाव निर्माण झाला होता.

दरम्यान, हनुमंत फडके यांनी न्यायालयात धाव घेतली. त्यांनी काही कागदपत्रेही कोर्टात सादर केली. त्यानंतर या प्रकरणावर तातडीची सुनावणी झाली आणि न्यायालयाने पुढील आदेशापर्यंत कारवाईला स्थगिती दिली. त्याबरोबरच महापालिकेकडून यासंदर्भात स्पष्टीकरण मागवले.

The post आंबील ओढ्यालगतची अतिक्रमणे हटविण्याच्या कारवाईला न्यायालयाकडून स्थगिती appeared first on थोडक्यात घडामोडी.

पुणे : पुणे महापालिका हद्दीत पुन्हा एकदा वीकेंड लॉकडाऊन लावण्यात आला आहे. याबाबत महापालिकेने आदेश जारी केले असून महापौर मुरलीधर मोहोळ यांनी ट्वीट करत याबाबत माहिती दिली आहे. शहरात कोरोना संसर्ग नियंत्रणात राहावा त्यासाठी हा निर्णय घेण्यात आला आहे. वीकेंड लॉकडाऊनमधून यावेळी अत्यावश्यक सेवा व जीवनावश्यक वस्तूंच्या दुकानांना सूट देण्यात आली आहे.

महापौर मुरलीधर मोहोळ यांनी सांगितले कि, “पुणे महापालिका हद्दीतील अत्यावश्यक सेवा वगळता इतर सर्व दुकाने, मॉल, सलून, ब्युटी पार्लर, स्पा आणि वेलनेस सेंटर शनिवार आणि रविवार पूर्णतः बंद राहणार आहेत तर रेस्टॉरंट, बार, फूड कोर्टमधून शनिवार-रविवार केवळ पार्सल सेवा देता येईल.”

शनिवार-रविवार सर्व दुकानं, मॉल, सलून बंद राहणार !

पुणे मनपा हद्दीतील अत्यावश्यक सेवा वगळता इतर सर्व दुकाने, मॉल, सलून, ब्युटी पार्लर, स्पा आणि वेलनेस सेंटर हे शनिवार आणि रविवार पूर्णतः बंद राहतील. तर रेस्टॉरंट, बार, फूड कोर्टमधून शनिवार-रविवार केवळ पार्सल सेवा देता येईल.

— Murlidhar Mohol (@mohol_murlidhar) June 18, 2021

विक्रम कुमार यांनी आज याबाबत प्रतिबंधात्मक आदेश जारी केला आहे. हा आदेश तत्काळ प्रभावाने लागू करण्यात येणार असून पुढील आदेशापर्यंत लागू असणार आहे. त्यानुसार रात्री १० वाजल्यानंतर वैध कारणाशिवाय पाच किंवा त्यापेक्षा अधिक लोकांना एकत्र येता येणार नाही किंवा फिरताही येणार नाही. पुणे महापालिका हद्द, पुणे कँटॉनमेंट बोर्ड आणि खडकी कँटॉनमेंट बोर्ड या संपूर्ण भागासाठी हे आदेश लागू असणार आहेत.

काय आहे आदेश?

1. जीवनावश्यक वस्तूंची दुकाने आठवड्याचे सर्व दिवस सायंकाळी सात वाजेपर्यंत खुली राहतील.
2. इतर सर्व दुकाने, मॉल, सलून, ब्युटी पार्लर, स्पा आणि वेलनेस सेंटर शनिवार व रविवार बंद राहणार.
3. रेस्टॉरंट, बार, फूड कोर्ट ग्राहकांसाठी शनिवार-रविवार बंद राहतील. केवळ पार्सल सेवेची मुभा. रात्री ११ वाजेपर्यंत पार्सल देता येईल.
4. रेस्टॉरंट, बार, फूड कोर्ट सोमवार ते शुक्रवार रात्री १० वाजेपर्यंत ५० टक्के क्षमतेने सुरू ठेवता येतील.
5. वीकेंड वगळता अन्य दिवशी मॉल ५० टक्के ग्राहक क्षमतेने सुरू ठेवता येतील.

कोरोना विषाणू संसर्ग साखळी तोडण्यासाठी (Break the chain) शुक्रवार दि. १८ जून २०२१ पासून सुरू होत असलेल्या नव्या नियमावलीचे निर्गमित केलेले आदेश.#पुण्याचा_निर्धार_कोरोना_हद्दपार #PMCFightsCorona #PuneFightsCorona#BreakTheChain pic.twitter.com/OMwhh9Hfwt

— PMC Care (@PMCPune) June 18, 2021

The post पुण्यात पुन्हा वीकेंड लॉकडाऊन, असे असतील नवे नियम.. जाणून घ्या appeared first on थोडक्यात घडामोडी.

पुणे : पुणे महापालिका हद्दीतील इयत्ता पाचवी ते आठवीचे वर्ग 1 फेब्रुवारीपासून सुरू करण्याचा निर्णय महापालिकेने घेतला आहे. पालकमंत्री अजित पवार यांच्या आढावा बैठकीत झालेल्या चर्चेनुसार याबाबत उच्चपदस्थ सूत्रांनी सांगितले.

राज्यातील पाचवी ते आठवीचे वर्ग सुरू करण्यासाठी शालेय शिक्षण विभाग आणि सार्वजनिक आरोग्य विभागाने मान्यता दिली आहे. त्यामुळे स्थानिक स्वराज्य संस्थांनी कोरोनाबाबतच्या नियमांचे पालन करून शाळा सुरू करण्याची दक्षता घ्यावी, अशी सूचना राज्य सरकारने केली आहे.

राज्यातील करोना रुग्णांची संख्याही कमी झाली असून, सध्या स्थिती नियंत्रणाखाली आल्याचे अध्यादेशात म्हटले आहे. त्यामुळे शाळांमध्ये कोरोना प्रतिबंधात्मक उपाययोजना करून विद्यार्थ्यांचे शैक्षणिक वर्ष वाया जाऊ नये, यासाठी शाळा सुरू करण्याचा निर्णय घेण्यात आला आहे. त्यानुसार पाचवी ते आठवीचे वर्ग २७ जानेवारीपासून सुरू करण्याला सरकारने मान्यता दिली आहे. याबाबत केंद्र आणि राज्य सरकारच्या सूचनांचे पालन करण्यात यावे. तसेच, जिल्हा परिषदा, नगरपालिका, महानगरपालिकांनी शाळांचे वर्ग सुरक्षितपणे सुरू होतील, याची दक्षता घ्यावी असेही अध्यादेशात म्हटले आहे.

The post पुण्यातील शाळा १ फेब्रुवारीपासून होणार सुरू appeared first on थोडक्यात घडामोडी.