नवी दिल्ली : द्वारका येथील सीतापुरी बसस्थानकाजवळ रस्ता ओलांडण्यासाठी मदत मागणाऱ्या 20 वर्षीय अंध तरुणीवर एका पुरुषाने बलात्कार केला. पोलिसांनी सांगितले की, त्याच भागातील 24 वर्षीय आरोपीने हे घृणास्पद कृत्य केले आहे. या गुन्ह्यातील आरोपीला अटक करण्यात आली आहे.

पोलिस उपायुक्त (द्वारका) शंकर चौधरी यांनी सांगितले की, “तरुणीला बसमधून विकासपुरी येथे उतरायचे होते, मात्र ती चुकून सीतापुरी स्टँडवर उतरली. त्यानंतर जेव्हा तिने स्थानिकांकडे रस्ता ओलांडण्यास मदत मागितली, तेव्हा आरोपीने तिला एका निर्जन गल्लीत नेले आणि तिच्यावर बलात्कार केला. घटनेनंतर, पीडितेने कशीबशी विकासपुरीला जाणारी बस पकडली आणि घरी पोहोचली. महिलेवर उपचार करणाऱ्या रुग्णालयातून अहवाल आल्यानंतर त्यांनी या प्रकरणी गुन्हा दाखल केला आहे.”

डीसीपी पुढे म्हणाले की, पीडितेवर उपचार करणाऱ्या डाबरी येथील रुग्णालयाने त्यांना बलात्काराबाबत सांगितले. तपास अधिकारी पीडितेला भेटले तेव्हा तिने सांगितले की एका अज्ञात व्यक्तीने तिच्यावर लैंगिक अत्याचार केले. डाबरी पोलिस ठाण्यात आयपीसी कलम ३७६ (बलात्कार) अन्वये तात्काळ गुन्हा दाखल करण्यात आला आहे. त्यानंतर डिजिटल आणि तांत्रिक पुरावे तपासल्यानंतर आरोपीला अटक करण्यात आली. आरोपीला न्यायालयीन कोठडी सुनावण्यात आली असून पुढील कारवाई सुरू असल्याचे त्यांनी सांगितले. २४ वर्षीय चेतन खन्ना असे आरोपीचे नाव आहे, तो तेथील चाणक्य प्लेसमध्ये राहतो.”

दिल्ली महिला आयोगाच्या अध्यक्षा स्वाती मालीवाल यांनी पीडितेची भेट घेतली आणि तिला सर्वतोपरी मदत करण्याचे आश्वासन दिले.

The post रस्ता ओलांडण्यासाठी मदत मागणाऱ्या 20 वर्षीय अंध तरुणीवर बलात्कार appeared first on थोडक्यात घडामोडी.

नवी दिल्ली : दिल्लीत द्वारका परिसरात रागाच्या भरात मुलाने आपल्या वयोवृद्ध आईच्या कानशिलात लगावली. त्यामुळे वृद्ध आईचा जागेवरच मृत्यू झाला. ही घटना CCTV मध्ये रेकॉर्ड झाली. हा व्हिडिओ सोशल मीडियावर व्हायरल झाल्यानंतर पोलिसांनी केलेल्या तपासात संपूर्ण प्रकरण समोर आलं आहे.

मिळालेल्या माहितीनुसार, १५ मार्च रोजी दुपारी बारा वाजताच्या सुमारास बिंदापूर पोलीस ठाण्यात एक फोन आला. एका महिलेचा इमारतीच्या मालकासोबत कार पार्क करण्यावरून वाद झाला होता. त्यामुळे पोलीस पथक घटनास्थळी पोहोचले. मात्र, त्यापूर्वीच हे प्रकरण मिटवण्यात आले आहे. त्यामुळे पोलीस पथक निघून गेले. मात्र काही वेळाने या प्रकरणावरून वृद्ध महिला अवतार कौर (७६), त्यांचा मुलगा रणबीर आणि सून यांच्यात वाद निर्माण झाला. त्याचवेळी रणबीरने त्याची आई अवतार कौर यांच्या कानशिलात जोरदार थप्पड लगावली. त्यामुळे त्या जमिनीवर कोसळल्या. त्यांच्या सूनेने त्यांना उठवण्याचा प्रयत्न केला. त्यानंतर तात्काळ मुलाने आणि सूनेने अवतार कौर यांना रुग्णालयात नेले. मात्र, डॉक्टरांनी त्यांचा मृत्यू झाल्याचं सांगितलं.

या घटनेचा व्हिडिओ सोशल मीडियावर व्हायरल झाला. व्हिडिओ समोर आल्यानंतर पोलिसांनी अवतार कौर यांच्या 45 वर्षांच्या मुलाविरूद्ध बिंदापूर पोलिस ठाण्यात भारतीय दंड संहिता (आयपीसी) च्या कलम 304 अंतर्गत गुन्हा दाखल केला असून त्याला अटक केली.

The post मुलाने कानशिलात लगावल्याने वृद्ध आईचा जागेवर मृत्यू , व्हिडिओ व्हायरल appeared first on थोडक्यात घडामोडी.