दिल्लीहून देहरादूनला जाणाऱ्या दिल्ली-देहरादून शताब्दी एक्सप्रेसच्या बोगीला आग लागली. कांसरो स्थानकाजवळ ही घटना घडली आहे. ज्या डब्यात आग लागली त्या कोचला वेगळं करण्यात आलं. सर्व प्रवासी सुरक्षित असून शताब्दी एक्स्प्रेस देहरादून स्थानकात दाखल झाली आहे.

शॉर्टसर्किटमुळे ही आग लागल्याची माहिती मिळत आहे. घटनेची माहिती मिळताच कांसरो रेंजमधील रेंजर व त्यांच्या कर्मचाऱ्यांनी तातडीने घटनास्थळी जाऊन बचावकार्य सुरू केले. आगीने वेढलेली सी -4 बोगी रेल्वेपासून वेगळी करण्यात आली. आगीवर नियंत्रण मिळवण्यात यश आले आहे.

उत्तराखंडचे मुख्यमंत्री तीरथ सिंग रावत यांनी ट्विट करत म्हटलं कि, “दिल्लीहून देहरादूनला जाणाऱ्या शताब्दी एक्स्प्रेसच्या एका डब्यात राजाजी व्याघ्र प्रकल्पाच्या कांसरो रेंजजवळ आग लागल्याची माहिती मिळाली. भगवान बद्री विशाल आणि बाबा केदार यांच्या कृपेने या घटनेत कोणतीही जीवितहानी झालेली नाही. सर्व प्रवासी सुखरुप आहेत.”

दिल्ली से देहरादून जा रही शताब्दी एक्सप्रेस के एक कोच में राजाजी टाइगर रिजर्व की कांसरो रेंज के पास आग लगने का समाचार मिला। भगवान बद्री विशाल और बाबा केदार की कृपा से घटना में किसी के भी हताहत होने की सूचना नहीं है। सभी यात्री सुरक्षित हैं।

— Tirath Singh Rawat (@TIRATHSRAWAT) March 13, 2021

The post दिल्लीहून देहरादूनला जाणाऱ्या शताब्दी एक्सप्रेसला आग, सर्व प्रवासी सुखरुप appeared first on थोडक्यात घडामोडी.