उत्तर प्रदेशमधील हरदोई जिल्ह्यात अतिशय भयंकर घटना घडली आहे. एका व्यक्तीने धारदार शस्त्राने आपल्या 18 वर्षाच्या मुलीचे शिर धडावेगळे केले आणि नंतर स्वत: च मुलीचे कापलेले डोके हातात घेऊन पोलिस स्टेशन गाठले. हे भयानक दृश्य बघून सर्वांचा थरकाप उडाला. या व्यक्तीने पोलिसांना सांगितले की मी मुलीला कापून टाकले.

मिळालेल्या माहितीनुसार, आरोपी हरदोईच्या मंजिला पोलिस स्टेशन परिसरातील पंडेतरा गावचा आहे. सर्वेश असे त्याचे नाव आहे. सर्वेशने 2 दिवसांपूर्वी आपल्या मुलीला गावातील आदर्श नावाच्या मुलाबरोबर आक्षेपार्ह स्थितीत पाहिले होते. त्यावेळी मुलगी घटनास्थळावरून फरार झाली होती. परंतु, या घटनेमुळे मुलीचे वडील खूप संतापले होते. तेव्हाच त्यांनी आपली मुलगी आणि तिच्या प्रियकराची हत्या करण्याची योजना आखली. गुरुवारी त्याची पत्नी शेतीत गेली असता, मुलगी घरात एकटी होती. त्यावेळी सर्वेशने मुलीवर धारदार शस्त्राने अनेक वार करून तिचे डोके धडावेगळे केले.

यानंतर आरोपी वडिलांनी मुलीचे डोके हातात घेतले आणि पोलीस स्टेशनच्या दिशेने निघाला. वाटेत अनेक लोकांनी हे भयानक दृश्य पाहिले, परंतु कोणाचीही आरोपीजवळ जाण्याची हिम्मत झाली नाही. पोलिसांना घटनेची माहिती देण्यात आली. मात्र, पोलिस येईपर्यंत आरोपी स्वत:च पोलिस स्टेशनमध्ये पोहोचला. सर्वेशने पोलिसांना सांगितले, “सर, मी माझ्या मुलीला कापून टाकलं.” ते ऐकून पोलिसही आश्चर्यचकित झाले. त्यानंतर पोलिस दल आरोपीला घेऊन घटनास्थळी दाखल झाले. तिथे मुलीचे धड रक्ताच्या थारोळ्यात पडलेले होते. त्यानंतर पोलिसांनी गुन्हा दाखल करून आरोपीला ताब्यात घेतले.

The post थरकाप उडवणारी घटना, वडिलांनी मुलीचे शिर धडावेगळे केले आणि ते हातात घेऊन गाठले पोलिस स्टेशन appeared first on थोडक्यात घडामोडी.