नवी दिल्ली : एका 41 वर्षीय व्यक्तीने राहत्या घरी स्वतःवर गोळी झाडून आत्महत्या केली. शुक्रवारी सायंकाळी ही घटना घडली असून त्या व्यक्तीची सुसाइड नोट मिळाली आहे. त्यात या व्यक्तीने लिहिले आहे की एका महिलेने आणि तिच्या वडिलांनी त्याच्याविरोधात बलात्काराची खोटी तक्रार दाखल केली आहे. त्यानंतर मृताच्या आईने तक्रार केली असून पोलिसांनी या प्रकरणाचा तपास सुरू केला आहे.

मिळालेल्या माहितीनुसार, दीपक सांगवान यांनी शुक्रवारी सायंकाळी चारच्या सुमारास स्वतःवर गोळी झाडून आत्महत्या केली. पोलिसांना याची माहिती वेंकटेश्वर रूग्णालयातून मिळाली. दीपक यांना गोळी लागलेली असल्यामुळे त्यांना रुग्णालयात दाखल करण्यात आल्याचे पोलिसांना सांगण्यात आले. त्यानंतर पोलिसांची टीम रुग्णालयात दाखल झाली. पण पीडित व्यक्ती जबाब देण्याच्या स्थितीत नव्हती. त्याने पिस्तुलीने स्वतःवर गोळी झाडल्याचे तपासात उघड झाले. ही घटना घडली त्या ठिकाणी जाऊन पडताळणी करण्यात आली. तसेच दीपक यांच्या आईचा जबाब नोंदविण्यात आला.

पोलिसांना घटनास्थळी एक पिस्तूल, दोन गोळ्या आणि गोळीचे एक शेलही सापडले आहे. पोलिसांना तिथे त्या व्यक्तीने लिहिलेली सुसाइड नोट देखील मिळाली आहे. त्यात मृत व्यक्तीने लिहिले आहे की महावीर एन्क्लेव्हमध्ये राहणारी एक महिला आणि तिचे वडील यांनी त्याच्याविरूद्ध खोटी एफआयआर दाखल केली आहे. दीपक यांनी सदर महिलेला दोन लाख रुपये दिले होते. महिलेने चेकद्वारे ते पैसे दीपक यांना परत केले. पण चेक बाउन्स झाला. त्यानंतर दीपक यांनी त्या महिलेविरोधात कोर्टात गुन्हा दाखल केला. परंतु जेव्हा महिलेला कोर्टाचे समन्स मिळाले, तेव्हा ती महिला आणि तिच्या वडिलांनी दीपक यांना खोट्या केसमध्ये अडकविण्याची धमकी दिली. त्यानंतर त्या महिलेने आपल्यावर बलात्काराची खोटी तक्रार दाखल केली, असे दीपक यांनी लिहिले आहे. पोलीस तपासात त्या महिलेने सागरपूर पोलिस ठाण्यात दीपकविरुद्ध गुन्हा दाखल केल्याची माहिती समोर आली आहे.

The post धक्कादायक : महिलेने बलात्काराची खोटी तक्रार दाखल केल्यामुळे तरुणाची आत्महत्या appeared first on थोडक्यात घडामोडी.

मुंबई : एका तरुणाने स्वतःच्या वडील आणि आजोबांची हत्या करून स्वतः बिल्डिंगच्या सहाव्या मजल्यावरून उडी मारून आत्महत्या केल्याची घटना घडली आहे. घटनेची माहिती मिळताच मुलुंड पोलीस घटनास्थळी दाखल झाले असून पुढील तपास सुरू आहे. मुलुंड पश्चिम येथील वसंत ऑस्कर बिल्डिंगमध्ये ही घटना घडली.

शार्दूल मांगले असे आत्महत्या केलेल्या तरुणाचे नाव आहे. आज (६ मार्च) सकाळी 9 वाजताच्या दरम्यान त्याने त्याचे वडील मिलिंद मांगले आणि आजोबा सुरेश मांगले यांच्यावर चाकूने वार केले. या वेळी त्यांचा केयरटेकर अनंत कांबळे याने त्यांना अगोदर वाचविण्याचा प्रयत्न केला. मात्र, नंतर घाबरून तो बाथरुममध्ये कडी लावून लपला.

सुरेश मांगले (आजोबा), मिलिंद मांगले (वडील) आणि शार्दूल मांगले (मुलगा) अशी मृतांची नावं आहेत. शार्दूलनं हे टोकाचं पाऊल का उचललं, याबद्दल अद्याप काहीही माहिती मिळू शकली नाही. दरम्यान, सहपोलिस आयुक्त विश्वास नांगरे पाटील स्वत: घटनास्थळी दाखल झाले आहेत.

The post मुलुंडमध्ये वडील आणि आजोबांची हत्या करून तरुणाची आत्महत्या appeared first on थोडक्यात घडामोडी.