केंद्र सरकार कोरोना लसीकरणाच्या तयारीत व्यस्त आहे. आज संपूर्ण देशभरात लसीकरणाचे ड्राय रन सुरू आहे. दरम्यान, केंद्रीय आरोग्यमंत्री डॉ. हर्षवर्धन यांनी म्हटले आहे कि, कोरोना लस दिल्लीतच नाही तर संपूर्ण देशात मोफत उपलब्ध होईल.

आरोग्यमंत्र्यांनी जीटीबी रुग्णालयात जाऊन ड्राय रनच्या तयारीचा आढावा घेतला. ते म्हणाले की अफवांकडे दुर्लक्ष करा. सुरक्षित आणि प्रभावी लस आमचे  प्राधान्य आहे. पोलिओ लसीकरणादरम्यान बर्‍याच अफवा पसरवल्या गेल्या होत्या, परंतु लोकांना लस दिली गेली आणि आज देश पोलिओमुक्त झाला आहे.

The post ब्रेकिंग : कोरोना लस संपूर्ण देशात मोफत मिळणार – केंद्रीय आरोग्यमंत्री appeared first on थोडक्यात घडामोडी.

केंद्रीय आरोग्य आणि कुटुंब कल्याणमंत्री डॉ हर्षवर्धन यांनी सांगितले की, कोरोनावरील लस भारतात पुढील वर्षाच्या म्हणजेच २०२१च्या सुरूवातीला उपलब्ध होऊ शकते. खर्चाचा विचार न करता आवश्यक असलेल्या रुग्णांना लस प्रथम उपलब्ध करुन देण्यात येईल. तसेच लसीची सुरक्षा, खर्च, उत्पादन या संदर्भात चर्चा सुरू आहे.

कोविड लसीच्या चाचणी दरम्यान योग्य ती काळजी घेण्यात येत आहे. जर कुणाला लसीवर विश्वास नसेल तर या लसीचा पहिला डोस मी घेईन. जैव तंत्रज्ञान विभाग आणि आयसीएमआर म्हणजेच भारतीय वैद्यकीय संशोधन परिषद हे लसीच्या चाचणीला पाठिंबा देण्यासाठी सक्रीयपणे कार्यरत आहेत. भारतात विविध प्रयोगशाळांमध्ये लसींच्या वेगवेगळ्या टप्प्यांवर चाचण्या सुरू आहेत.

The post कुणाला लसीवर विश्वास नसेल तर कोविड लसीचा पहिला डोस मी घेईन: डॉ. हर्षवर्धन appeared first on थोडक्यात घडामोडी.