प्रसिद्ध ब्युटीशियन आणि हेअर डिझायनर जावेद हबीब याच्यावर महिलेच्या केसांवर थुंकल्याप्रकरणी FIR दाखल करण्यात आली आहे. मुझफ्फरनगरच्या मन्सूरपूर पोलिस ठाण्यात पीडित महिला पूजा गुप्ताने जावेद हबीबविरुद्ध कलम ३५५, ५०४ आयपीसी, ३ महामारी कायदा आणि ५६ आपत्ती व्यवस्थापन अंतर्गत गुन्हा दाखल केला आहे. हा व्हिडिओ व्हायरल झाल्यानंतर जावेद हबीबने माफी मागितली आहे.

प्रसिद्ध केशभूषाकार जावेद हबीब मुझफ्फरनगरमध्ये आयोजित एका शोमध्ये केस कापताना महिलेच्या केसांवर थुंकला होता. हा केसांवर थुंकतानाचा व्हिडिओ सोशल मीडियावर व्हायरल होत आहे. ही महिला बागपत येथील बरौत येथील रहिवासी असल्याचे सांगण्यात येत आहे. महिला पूजा गुप्ता यांनी सांगितले की, तीन दिवसांपूर्वी जावेद हबीबने हायवेवरील हॉटेल किंग व्हिला येथील एका वर्कशॉपमध्ये प्रात्यक्षिक दिले होते, त्याचवेळी ते केस घाणेरडे असल्याचे सांगून थुंकले. हबीबने केसांवर थुंकून माझा जाहीर अपमान केला आहे, असे या महिलेने म्हटले आहे.

पूजा गुप्ता म्हणाल्या कि, ‘सेमिनारमध्ये प्रश्नोत्तराचे सत्र सुरू होते, जेव्हा मी त्यांना (जावेद हबीब) प्रश्न विचारला, तेव्हा त्यांचे उत्तर होते की तू शांत बस, मी स्टेजवर गेल्यावर त्यांनी सांगितले की ही ती आहे जी सकाळपासून म्हणतेय की हे कसं शक्य आहे? मग त्याने माझे डोके ढकलले, नंतर जेव्हा त्याने माझे केस कापायला सुरुवात केली तेव्हा त्याने माझ्या डोक्यावर दोनदा थुंकले आणि सांगितले की जर तुमच्या पार्लरमध्ये पाण्याची कमतरता असेल तर तुम्ही थुंकून केस कापू शकता.’

जावेद हबीब केस कापताना महिलेच्या केसांवर थुंकला, Video व्हायरल

या संपूर्ण प्रकरणाची माहिती देताना एसपी सिटी अर्पित विजय वर्गी यांनी सांगितले की, जो व्हिडिओ सोशल मीडियावर व्हायरल होत आहे, त्यामध्ये महिलेसोबत गैरवर्तन केल्याची बाब समोर येत आहे, या प्रकरणाचा तपास करण्यात येत आहे. तपासानंतर, आरोपीवर जे काही आरोप आहेत, त्यावर योग्य ती कारवाई केली जाईल.

हा व्हिडिओ व्हायरल झाल्यानंतर जावेद हबीबने माफी मागितली आहे. इंस्टाग्रामवर व्हिडिओ शेअर करताना जावेद हबीबने म्हटले की, मी मनापासून माफी मागतो. तथापि, जावेद हबीबने माफी मागताना थुंकण्याचा काहीही उल्लेख केला नाही. तर त्याऐवजी ‘माझ्या काही शब्दांमुळे दुखावले गेले असाल, त्यासाठी मी माफी मागतो’ असे म्हटले आहे. तसेच आमचे शो प्रोफेशनल असतात आणि जास्त वेळ सुरु असतात, त्यामुळे त्यात थोडा विनोदाचा भाग टाकावा म्हणून हे सर्व करावं लागतं, असं अजब वक्तव्य देखील जावेद हबीबने केलं आहे.

 

View this post on Instagram

 

A post shared by Jawed Habib (@jh_hairexpert)

The post महिलेच्या केसांवर थुंकल्याप्रकरणी जावेद हबीबविरुद्ध FIR दाखल, जावेद हबीबने दिली अजब प्रतिक्रिया… appeared first on थोडक्यात घडामोडी.

प्रसिद्ध हेअरस्टायलिस्ट जावेद हबीबचा एक व्हिडिओ सोशल मीडियावर व्हायरल होत आहे. ज्यामध्ये तो एका महिलेचे केस कापताना दिसत आहे. हा व्हिडिओ व्हायरल होण्याचे कारण म्हणजे जावेद हबीबने केस कापताना या महिलेशी केलेले विचित्र वर्तन. जावेद हबीब केस कापताना केसांमध्ये थुंकल्याचा आरोप महिलेने केला आहे.

व्हिडिओमध्ये दावा केला आहे की जावेद हबीब केस कापताना पाणी न वापरता थुंकी वापरतात. जावेद हबीब एवढ्यावरच थांबला नाही तर तो पुढे म्हणाला की ‘इस थूक में जान है’. हा व्हिडीओ सोशल मीडियावर व्हायरल झाल्यानंतर जावेद हबीबवर जोरदार टीका होत आहे. तसेच व्हिडिओ व्हायरल झाल्यानंतर या महिलेची प्रतिक्रियाही समोर आली आहे. मात्र, जावेद हबीबकडून याबाबत अद्याप कोणतंही स्पष्टीकरण समोर आलेलं नाही.

मिळालेल्या माहितीनुसार, जावेद हबीबचा हा व्हिडिओ मुजफ्फरनगरचा आहे. व्हिडिओमध्ये दिसते की जावेद हबीब एका महिलेला केस कापण्यासाठी स्टेजवर बोलावतो. त्यानंतर केस कापताना तो म्हणतो, ‘माझे केस घाणेरडे आहेत, घाणेरडे का आहेत कारण शाम्पू लावला नाही, नीट ऐका, आणि पाण्याची कमतरता असेल तर…. (असे म्हणत तो महिलेच्या केसांवर थुंकतो) पुढे म्हणाला की ‘इस थूक में जान है’. यादरम्यान तेथे उपस्थित असलेले लोक जोरदार टाळ्या वाजवतात. ज्या महिलेचे केस कापले जात आहेत ती महिला व्हिडिओमध्ये थोडी अस्वस्थ दिसत आहे. आता व्हिडिओ व्हायरल झाल्यानंतर या महिलेचीही प्रतिक्रिया आली आहे. ज्या महिलेच्या केसात जावेद हबीब थुंकला, तिचे नाव पूजा गुप्ता आहे.

For those who goes to Javed Habib’s saloon pic.twitter.com/dblHxHUBkw

— Rishi Bagree (@rishibagree) January 5, 2022

ट्विटरवर समोर आलेल्या महिलेने सांगितले की, ‘माझे नाव पूजा गुप्ता आहे, माझे वंशिका ब्युटी पार्लर नावाचे पार्लर आहे. मी बरौत येथील रहिवासी आहे. काल मी जावेद हबीब सरांच्या सेमिनारला गेले होते. त्याने मला केस कापण्यासाठी स्टेजवर बोलावले. त्याने गैरवर्तन केले, पाणी नसेल तर थुंकूनही केस कापता येतात, असे दाखवले. मी तिथे केस कापले नाहीत, मी रस्त्यावरील न्हाव्याकडून केस कापून घेईन, पण जावेद हबीबकडून नाही. हा व्हिडिओ व्हायरल झाल्यानंतर सोशल मीडियावर लोक जावेद हबीब याच्यावर जोरदार टीका करत आहेत. ट्विटरवर अनेकांनी हा व्हिडिओ शेअर केला आहे.

The post जावेद हबीब केस कापताना महिलेच्या केसांवर थुंकला, Video व्हायरल appeared first on थोडक्यात घडामोडी.