मुंबई : बॉलीवूड मेगास्टार अमिताभ बच्चन यांना कोरोनाची लागण झाली आहे. त्यांनीच याबाबत आपल्या नवीन ट्विटमध्ये माहिती दिली. अमिताभ बच्चन यांनी सांगितले की, “माझी कोरोना चाचणी नुकतीच पॉझिटिव्ह आली आहे… माझ्या आसपास आणि आजूबाजूला असलेल्या सर्वांनी कृपया स्वतःचीही तपासणी करून घ्या.”

T 4388 – I have just tested CoViD + positive .. all those that have been in my vicinity and around me, please get yourself checked and tested also .. ?

— Amitabh Bachchan (@SrBachchan) August 23, 2022

अमिताभ बच्चन यांना यापूर्वी जुलै 2020 मध्येही कोरोनाव्हायरसची लागण झाली होती. त्यावेळी ते दोन आठवड्यांहून अधिक काळ नानावटी रुग्णालयात दाखल होते. त्याच वेळी त्यांचा मुलगा अभिषेक बच्चन देखील पॉझिटिव्ह आला होता.

The post बॉलीवूड मेगास्टार अमिताभ बच्चन यांना कोरोनाची लागण appeared first on थोडक्यात घडामोडी.

नवी दिल्ली : भारताचे प्रशिक्षक राहुल द्रविड यांना कोरोनाची लागण झाली आहे. त्यामुळे आशिया चषक २०२२ च्या काही दिवस अगोदर टीम इंडियाला मोठा धक्का बसला आहे. २८ ऑगस्टपासून सुरू होणाऱ्या स्पर्धेसाठी ते संघासोबत दुबईला जाण्याची आता शक्यता नाही.

या मोठ्या स्पर्धेतील संघाची तयारी पाहता ही वाईट बातमी आहे कारण आशिया कपमध्ये भारताचे पहिले आव्हान पाकिस्तानविरुद्ध आहे. या हाय व्होल्टेज सामन्यादरम्यान चाहत्यांचे खूप दडपण असते. अशा परिस्थितीत द्रविडची उपस्थिती संघासाठी खूप महत्त्वाची ठरली असती.

The post राहुल द्रविड यांना कोरोनाची लागण, आशिया चषक 2022 पूर्वी भारतीय संघाला मोठा झटका appeared first on थोडक्यात घडामोडी.

नवी दिल्ली : काँग्रेस अध्यक्षा सोनिया गांधी यांना पुन्हा कोरोनाची लागण झाली आहे. त्यांनी स्वतःला विलगीकरणात ठेवले आहे, याबाबत पक्षाचे नेते जयराम रमेश यांनी ट्विटमध्ये सांगितले आहे.

जयराम रमेश यांनी ट्विट केले, “काँग्रेस अध्यक्षा श्रीमती सोनिया गांधी यांची आज कोविड-19 चाचणी पॉझिटिव्ह आली आहे. त्या सरकारी प्रोटोकॉलनुसार आयसोलेशनमध्ये राहतील.”

Congress President Smt.Sonia Gandhi has tested positive for Covid-19 today. She will remain in isolation as per Govt. protocol.

आज कांग्रेस अध्यक्ष श्रीमती सोनिया गांधी का कोविड-19 टेस्ट रिपोर्ट पॉजिटिव आया है। वह सरकार द्वारा जारी प्रोटोकॉल का पालन करते हुए आइसोलेशन में रहेंगी।

— Jairam Ramesh (@Jairam_Ramesh) August 13, 2022

2 जून रोजी सोनिया गांधी यांना कोरोनाची लागण झाली होती. त्यांची प्रकृती खालावल्याने त्यांना गंगाराम रुग्णालयात दाखल करावे लागले. त्याचवेळी, बुधवारी प्रियांका गांधीही कोरोना संसर्गाच्या विळख्यात आल्या. त्या सध्या आयसोलेशनमध्ये आहेत. याआधीही प्रियांका गांधी यांना कोरोनाची लागण झाली होती. ३ जून रोजी त्यांना कोरोनाची लागण झाल्याची पुष्टी झाली होती.

तेजस्वी यादव यांची कालच भेट
बिहारचे उपमुख्यमंत्री तेजस्वी यादव यांनी कालच काँग्रेस अध्यक्षा सोनिया गांधी यांची भेट घेतली होती. बिहारमध्ये मंत्रिमंडळ विस्तारापूर्वी त्यांनी काँग्रेस अध्यक्षांची भेट घेतली होती. यादरम्यान त्यांनी सीताराम येचुरी यांचीही भेट घेतली. त्यानंतर आता सोनिया गांधी यांना कोरोना संसर्ग झाल्याचे आढळून आले आहे.

The post ब्रेकिंग! सोनिया गांधी यांना पुन्हा कोरोनाची लागण appeared first on थोडक्यात घडामोडी.

नवी दिल्ली : काँग्रेस सरचिटणीस प्रियंका गांधी यांना दुसऱ्यांदा कोरोनाची लागण झाली आहे. त्यांची कोरोना चाचणी पॉझिटिव्ह आल्यानंतर त्या घरीच विलगीकरणात आहेत आणि कोरोनाचे सर्व नियम पाळत आहेत.

प्रियंका गांधी यांना दुसऱ्यांदा कोरोना झाला आहे. याआधीही ३ जून रोजी प्रियांका गांधी आणि त्यांची आई सोनिया गांधी कोरोनाच्या विळख्यात आल्या होत्या.

Tested positive for covid (again!) today. Will be isolating at home and following all protocols.

— Priyanka Gandhi Vadra (@priyankagandhi) August 10, 2022

केंद्रीय आरोग्य मंत्रालयाच्या अहवालानुसार, आज देशात कोरोनाचे 16,047 नवीन रुग्ण आढळले आहेत. तर गेल्या 24 तासांत 19,539 लोक कोरोनातून बरे झाले आहेत. आरोग्य मंत्रालयाच्या अहवालानुसार, आता देशात कोरोनाचे सक्रिय रुग्ण 1,28,261 वर पोहोचले आहेत. त्याच वेळी, संसर्ग दर 4.94 टक्के आहे.

The post प्रियंका गांधी यांना दुसऱ्यांदा कोरोनाची लागण appeared first on थोडक्यात घडामोडी.

चेन्नई : साऊथ फिल्म इंडस्ट्रीतून एक मोठी बातमी समोर येत आहे. प्रसिद्ध चित्रपट निर्माते मणिरत्नम यांना कोरोनाची लागण झाली आहे. त्यांना चेन्नईतील अपोलो रुग्णालयात दाखल करण्यात आले आहे. सध्या त्यांच्या प्रकृतीबाबत कोणतेही अपडेट्स समोर आलेले नाहीत.

सध्या दिग्दर्शक मणिरत्नम त्यांच्या ‘पोन्नियिन सेल्वन’ या चित्रपटामुळे खूप चर्चेत आहेत. तमिळ साहित्यिक कादंबरी पोन्नियिन सेल्वन चित्रपटात रूपांतरित करण्याचे मणिरत्नम यांचे दीर्घकाळापासूनचे स्वप्न होते. 10 वर्षांनंतर त्यांनी आपले स्वप्न सत्यात बदलले. पोन्नियिन सेल्वन दोन भागांमध्ये रिलीज होणार आहे. पहिला भाग 30 सप्टेंबर रोजी रिलीज होणार आहे. चित्रपटातील कलाकारांच्या लूकपासून ते ट्रेलरपर्यंत प्रत्येकजण सोशल मीडियावर खूप चर्चेत आहे. पोनियिन सेल्वन संपूर्ण भारतात प्रदर्शित होईल. तो देशभरातील पाच भाषांमध्ये रिलीज होणार आहे. या मल्टीस्टारर चित्रपटात चियान विक्रम, ऐश्वर्या राय बच्चन, त्रिशा, कार्ती आणि जयम रवी यांच्या प्रमुख भूमिका आहेत.

The post चित्रपट निर्माते मणिरत्नम यांना कोरोनाची लागण, अपोलो रुग्णालयात दाखल appeared first on थोडक्यात घडामोडी.

केंद्रीय महिला आणि बालविकास मंत्री स्मृती इराणी यांनी रविवारी सांगितले की त्यांनी कोविड चाचणी केली असून त्यांना कोरोनाची लागण झाली आहे.

स्मृती इराणी यांनी एका ट्विटमध्ये ही घोषणा केली, जिथे 23 जून रोजी होणाऱ्या विधानसभेच्या मतदानापूर्वी भाजपने आयोजित केलेल्या कार्यक्रमाला उपस्थित न राहिल्याबद्दल त्यांनी दिल्लीच्या राजेंद्र नगरमधील रहिवाशांची माफी मागितली. “माझी कोविड चाचणी पॉझिटिव्ह आली असल्याने मी राजेंद्र नगरच्या लोकांची तेथे आयोजित कार्यक्रमात सहभागी होऊ न शकल्याबद्दल माफी मागते,” असे त्यांनी ट्विटमध्ये लोकांना भाजप उमेदवाराला मत देण्याचे आवाहन करताना म्हटले आहे. स्मृती इराणी यांना कोरोनाची लागण होण्याची ही दुसरी वेळ आहे. त्यांना यापूर्वी २०२० मध्ये संसर्ग झाला होता.

राजेंद्र नगर में आयोजित कार्यक्रम में सम्मिलित नहीं हो पाने के लिए मैं वहाँ के नागरिकों से क्षमा चाहती हूँ, क्योंकि मेरी कोरोना रिपोर्ट पॉजिटिव आई है।

मैं राजेंद्र नगर के लोगों से @rajeshbhatiabjp जी को वोट देने और @BJP4Delhi को जिताने की अपील करती हूँ। https://t.co/nawn5XTBbu

— Smriti Z Irani (@smritiirani) June 19, 2022

The post केंद्रीय महिला आणि बालविकास मंत्री स्मृती इराणी यांना कोरोनाची लागण appeared first on थोडक्यात घडामोडी.

मुंबई : अभिनेता कार्तिक आर्यनला कोरोनाची लागण झाली आहे. तो आयफा 2022 मध्ये सहभागी होणार होता, मात्र त्याची कोविड-चाचणी पॉझिटिव्ह झाली आहे. शनिवार, 4 जून रोजी होणाऱ्या IIFA 2022 च्या मुख्य कार्यक्रमासाठी कार्तिकने विशेष तयारी केली होती. मात्र, आता त्याने कोरोना झाल्याची बातमी शेअर केली आहे.

कार्तिक आर्यनचा भूलभुलैया मागील आठवड्यात प्रदर्शित झाला असून चांगले यश मिळवले आहे. तो आयफा २०२२ मध्ये उपस्थित राहणार होता आणि मुख्य कार्यक्रमात परफॉर्मन्स देणार होता. तथापि, आता अभिनेत्याची कोविड-19 चाचणी पॉझिटिव्ह आली आहे. त्याने ही बातमी इन्स्टाग्रामवर शेअर करण्यासाठी त्याच्या स्वतःचा एक फोटो शेअर केला आणि लिहिले, सर्व काही पॉझिटिव्ह सुरु होतं, कोविडला राहावलं नाही.

 

View this post on Instagram

 

A post shared by KARTIK AARYAN (@kartikaaryan)

आयफा व्यवस्थापन कार्तिक आर्यनच्या नुकत्याच रिलीज झालेल्या भूल भुलैया 2 च्या अद्भूत यशानंतर त्याच्यासाठी उत्सुक होते. कार्तिक आर्यन आयफा 2022 च्या मंचावर परफॉर्मन्स देणार होता, जो त्याचा भूल भुलैया 2 शीर्षक ट्रॅकवर पहिला थेट परफॉर्मन्स असणार होता.

अभिनेता कार्तिक आर्यनला याआधीही कोरोनाचा फटका बसला आहे. वास्तविक, ‘भूल भुलैया 2’ चित्रपटाच्या शूटिंगदरम्यान कार्तिकचा कोरोना रिपोर्ट पॉझिटिव्ह आला होता. मात्र, काही दिवसांनंतर अभिनेता यातून बरा झाला होता. अशा परिस्थितीत कार्तिक आर्यन लवकरच कोरोनाशी लढाई जिंकून पुनरागमन करेल अशी अपेक्षा आहे. भूल भुलैया २ नंतर आता कार्तिक त्याच्या चाहत्यांसाठी शहजादा चित्रपटाची भेट घेऊन येणार असल्याची माहिती आहे.

The post अभिनेता कार्तिक आर्यनला दुसऱ्यांदा कोरोनाची लागण, IIFA 2022 मध्ये देणार होता परफॉर्मन्स… appeared first on थोडक्यात घडामोडी.

नवी दिल्ली : काँग्रेसच्या अंतरिम अध्यक्षा सोनिया गांधी यांना कोरोनाची लागण झाली आहे. त्या सध्या विलगीकरणात आहेत. प्रियांका गांधीही त्यांच्या संपर्कात आल्याचे सांगण्यात येत आहे, त्यानंतर त्या लखनौहून दिल्लीला परतल्या आहेत. अजून त्यांची कोरोना चाचणी झालेली नाही.

गेल्या काही दिवसांत सोनिया गांधी यांच्या पक्षातील अनेक नेत्यांच्या भेटी घेतल्याचे काँग्रेसकडून सांगण्यात येत आहे. यातील काही नेत्यांनाही कोरोनाची लागण झाल्याचे आढळून आले आहे. सोनिया गांधींना सौम्य तापाची लक्षणे दिसू लागली, त्यानंतर त्यांची कोरोना चाचणी करण्यात आली. त्यानंतर सोनियांची चाचणी पॉझिटिव्ह आली आहे. पॉझिटिव्ह आढळल्यानंतर, सोनिया सध्या विलगीकरणात आहेत आणि सर्वांना खबरदारी घेण्यास सांगितले जात आहे. प्रियंका गांधी यांनी सोनिया गांधी यांचीही भेट घेतली, त्यानंतर खबरदारी म्हणून त्या लखनौहून दिल्लीला परतत आहेत.

दरम्यान, कालच अंमलबजावणी संचालनालयाने (ईडी) सोनिया गांधी आणि राहुल गांधी यांना नोटीस पाठवून चौकशीसाठी बोलावले आहे. नॅशनल हेराल्ड प्रकरणासंदर्भात ही नोटीस बजावण्यात आली आहे. त्यानंतर सोनिया आणि राहुल यांना 8 जून रोजी ईडी अधिकाऱ्यांसमोर चौकशीसाठी हजर राहण्यास सांगितले होते.

ब्रेकिंग! सोनिया गांधी आणि राहुल गांधी यांना नॅशनल हेराल्ड प्रकरणात ईडीकडून समन्स

The post ब्रेकिंग! काँग्रेस अध्यक्षा सोनिया गांधी यांना कोरोनाची लागण appeared first on थोडक्यात घडामोडी.

मुंबई : अभिनेता करण टकरला कोरोनाची लागण झाली आहे. मंगळवारी, अभिनेत्याने त्याच्या अधिकृत इंस्टाग्राम खात्यावर ही बातमी त्याच्या चाहत्यांसह शेयर केली. ‘एक हजारों में मेरी बहना है’ फेम करण टॅकरने एक व्हिडिओ टाकला ज्यामध्ये तो गेल्या दोन वर्षांपासून व्हायरसपासून कसा सुरक्षित होता याबद्दल बोलला, पण आता त्याला संसर्ग झाला आहे.

तो म्हणाला कि, “मी दोन वर्षे या विषाणूपासून दूर राहिलो, पण हा कोविड धीट ठरला, शेवटी माझ्यापेक्षा वरचढ ठरला आणि माझ्यावर हल्ला केला. खोकला आणि शिंकणे मला हृदयाचे ठोके चुकवायला लावते, मात्र, वेदना आणि थंडी मला मी नश्वर असल्याची जाणीव करून देतात. मास्क घाला, चीटिंग करण्याचा प्रयत्न करू नका, लस, बूस्टर, मास्क, रिपीट.” व्हिडिओच्या कॅप्शनमध्ये, करण टकरने जे लोक त्याच्या जवळच्या संपर्कात आले असतील, त्यांना त्यांच्या आरोग्यावर लक्ष ठेवण्यास सांगितले.

 

View this post on Instagram

 

A post shared by Karan Tacker (@karantacker)

करणचे अनेक चाहते आणि इंडस्ट्रीतील सहकाऱ्यांनी त्याला लवकरात लवकर बरे होण्यासाठी शुभेच्छा दिल्या. वर्क फ्रंटबद्दल बोलायचे झाल्यास करण टकर अलीकडेच स्पेशल ऑप्समध्ये दिसला होता. या मालिकेत त्याने फारुख अली नावाच्या भारतीय गुप्तहेराची भूमिका साकारली होती. या शोमध्ये के के मेनन, सज्जाद डेलाफ्रूज, गौतमी कपूर आणि सना खान यांनी देखील भूमिका केल्या होत्या. याशिवाय करण टकरने एक हजारों में मेरी बहना है आणि रंग बदलती ओढणी यासह अनेक शोमध्ये काम केले आहे.

The post अभिनेता करण टकरला कोरोनाची लागण appeared first on थोडक्यात घडामोडी.

ज्येष्ठ अभिनेत्री शबाना आझमी यांना कोरोनाची लागण झाली आहे. शबाना आझमी यांनी स्वतःच त्यांच्या इन्स्टाग्राम हँडलवरून ही माहिती दिली आहे. त्या घरीच विलगीकरणात राहून कोरोनावर उपचार घेत आहेत. त्यांच्या पोस्टवर चाहत्यांसह अनेक सेलिब्रिटींनीही आपल्या प्रतिक्रिया दिल्या आहेत.

शबाना आझमी यांनी स्वतःचा एक फोटो शेअर करत लिहिले की, “आज माझी कोविड चाचणी पॉझिटिव्ह आली आहे. घरीच स्वतःला घरीच विलगीकरणात ठेवले आहे. गेल्या काही दिवसांत माझ्या संपर्कात आलेल्या सर्वांना मी विनंती करते की कृपया स्वतःची कोविड चाचणी करून घ्या.”

 

View this post on Instagram

 

A post shared by Shabana Azmi (@azmishabana18)

The post ज्येष्ठ अभिनेत्री शबाना आझमी यांना कोरोनाची लागण appeared first on थोडक्यात घडामोडी.