नवी दिल्ली : टाटा समूहाचे माजी अध्यक्ष सायरस मिस्त्री यांच्या निधनानंतर केंद्र सरकारने मोठा निर्णय घेतला आहे. आतापासून कारमधील प्रत्येकाला सीट बेल्ट लावणे बंधनकारक असेल. तुम्ही समोरच्या सीटवर बसलात किंवा मागच्या बाजूला, प्रत्येकाला सीट बेल्ट घालणे बंधनकारक करण्यात आले आहे. केंद्रीय मंत्री नितीन गडकरी यांनी यासंदर्भात माहिती दिली आहे. मोठी गोष्ट म्हणजे चालकाच्या मागच्या सीटवर बसलेल्या प्रवाशांनी सीट बेल्ट न लावल्यास चालानही कापले जाणार आहे. मागे बेल्ट लावण्यासाठी क्लिपची व्यवस्था केली जाईल.

मागच्या सीटवर बसलेल्या प्रवाशांनी सीट बेल्ट न लावल्यास अलार्म वाजत राहतो, असेही सांगितले जात आहे. यासंबंधीचा आदेश येत्या १५ दिवसांत जारी केला जाणार आहे. टाटा सन्सचे माजी अध्यक्ष सायरस मिस्त्री यांचा मुंबई-अहमदाबाद महामार्गावर कार अपघातात मृत्यू झाला. त्यांची कार मुंबईजवळ दुभाजकाला धडकली आणि हा अपघात झाला. प्राथमिक तपासात, पोलिसांच्या लक्षात आले की, अपघाताचे कारण ओव्हरस्पीड आणि चुकीच्या बाजूने ओव्हरटेकिंग होते. मागे बसलेल्या सायरस मिस्त्री यांनी सीट बेल्ट लावला नसल्याचेही बोलले जात आहे.

आता या सर्व बाबी लक्षात घेऊन केंद्र सरकारने हा मोठा निर्णय घेतला आहे. पूर्वी ड्रायव्हिंग सीटवर बसलेल्या व्यक्तीने सीट बेल्ट लावायचा, असा नियम होता. पण आता मागे बसलेल्या व्यक्तीलाही तो नियम पाळावा लागणार आहे. रस्ते अपघात कमी व्हावेत यासाठी अधिक सुरक्षिततेवर भर दिला जात आहे. लोकांनी हा नियम विसरू नये, म्हणून वाहनातील अलार्म यंत्रणा कार्यान्वित करण्याचेही बोलले जात आहे. कारमध्ये बसलेल्या कोणीही सीट बेल्ट लावला नाही तर अलार्म वाजत राहील, अशा परिस्थितीत लोकांना नियम पाळणे भाग पडेल.

The post आता कारमधील प्रत्येकाला सीट बेल्ट लावणे बंधनकारक, केंद्र सरकारचा मोठा निर्णय appeared first on थोडक्यात घडामोडी.

नागपूर : केंद्रीय मंत्री नितीन गडकरी यांनी नागपुरात केलेल्या वक्तव्याची चर्चा सुरु आहे. ते म्हणाले की, अटलबिहारी वाजपेयी, लालकृष्ण अडवाणी, दीनदयाल उपाध्याय आणि इतर अनेक कार्यकर्त्यांनी खूप काम केले, त्यानंतरच आज नरेंद्र मोदी यांच्या नेतृत्वाखाली देशात आणि अनेक राज्यात भाजपची सत्ता आली. नागपुरातील डॉ. हेडगेवार स्मृती भवन परिसरात शिक्षक आणि पर्यवेक्षकांसाठी आयोजित प्रशिक्षण कार्यक्रमात ते बोलत होते.

वाजपेयी-अडवाणींसारख्या नेत्यांमुळे भाजप सत्तेत
केंद्रीय रस्ते वाहतूक आणि महामार्ग मंत्री नितीन गडकरी म्हणाले की, काही काळापूर्वी पक्षाची स्थिती अत्यंत वाईट होती. पण अटलबिहारी वाजपेयी, लालकृष्ण अडवाणी, दीनदयाल उपाध्याय आणि इतर अनेक कार्यकर्त्यांनी खूप काम केले. गडकरी पुढे म्हणाले की, आज नरेंद्र मोदी यांच्या नेतृत्वाखाली देशात आणि देशातील अनेक राज्यात भाजपची सत्ता आली आहे.
गडकरी म्हणाले की, मी पहिल्यांदा मुंबईतील भाजप कार्यालयात गेलो तेव्हा कार्यालयाची अवस्था दयनीय होती. मावळत्या सूर्याला पाहून अटलबिहारी वाजपेयी यांनी ‘अंधेरा छटेगा, सूरज निकलेगा और कमल खिलेगा’ म्हटले होते आणि आज जनतेने आम्हाला साथ दिल्याने त्यांचे विधान खरे ठरले, असे गडकरी म्हणाले.

सामाजिक क्षेत्रातही काम करावे लागेल
यावेळी सर्वांना संबोधित करताना ते म्हणाले की, आपण राजकीय क्षेत्रात जे काम केले आहे, त्याचप्रमाणे सामाजिक क्षेत्रातही काम करण्याची गरज आहे. आपल्या प्रयत्नांनीच आपल्याला गरिबी, भूक आणि बेरोजगारीतून मुक्तता मिळेल. आपण सुशिक्षित आणि सुसंस्कृत होऊ. तसेच देशाचे जबाबदार नागरिक म्हणून वागा. देशातील नागरिकांना अभिमान वाटेल असे काहीतरी तुम्ही नक्कीच करू शकता. आता तो दिवस दूर नाही आणि तो लवकरच येईल.

दरम्यान, मागील आठवड्यात भाजपने नितीन गडकरी यांना त्यांच्या सर्वोच्च धोरण ठरवणाऱ्या संसदीय मंडळातून काढून टाकले आहे. पक्षाने निवडणूक तिकीट वाटपाच्या दृष्टीने अत्यंत महत्त्वाच्या केंद्रीय निवडणूक समितीची (CEC) पुनर्रचना केली आणि त्यातही केंद्रीय मंत्री नितीन गडकरी यांना स्थान दिले नाही. महाराष्ट्राचे उपमुख्यमंत्री देवेंद्र फडणवीस यांना सीईसीमध्ये नवा चेहरा म्हणून स्थान देण्यात आले आहे. फडणवीस गडकरींसारखे नागपूरचे आहेत आणि संघाच्या अगदी जवळचे मानले जातात.

The post अटलजी, अडवाणी यांच्यासारख्या नेत्यांमुळे आज देशात भाजपची सत्ता -नितीन गडकरी appeared first on थोडक्यात घडामोडी.

नागपूर : गरिबांच्या हितासाठी कोणताही कायदा आडकाठी आणू शकत नाही. गरीबांच्या कल्याणासाठी कायदा १० वेळा मोडावा लागला तरी तो मोडला पाहिजे, असे महात्मा गांधी म्हणाले होते. म्हणूनच जनतेच्या हितासाठी कायदा मोडण्याचा अधिकार आम्हाला आहे. आम्ही मंत्री आहोत, त्यामुळे आम्हाला कायदा मोडण्याचा अधिकार आहे, असे विधान केंद्रीय मंत्री नितीन गडकरी यांनी केले आहे.

नितीन गडकरी यांनी महाराष्ट्र आरोग्य विज्ञान विद्यापीठाच्या नागपूर शाखेच्या बहुविद्याशाखीय मल्टी-मॉडल निकालांतर्गत आदिवासींच्या आरोग्यासाठी ब्लॉसम नावाच्या प्रकल्पाचे उद्घाटन केले. यावेळी नितीन गडकरी म्हणाले की, अधिकाऱ्यांनी ‘येस सर’ म्हणत आम्ही जे सांगतो त्याचे पालन करावे. सरकार अधिकाऱ्यांच्या मताने चालत नाही तर जनतेच्या मताने चालते.

गडकरी पुढे म्हणाले कि, 1995 मध्ये मनोहर जोशी राज्याचे मुख्यमंत्री असताना गडचिरोली आणि मेळघाटात कुपोषणामुळे दोन हजार आदिवासी बालकांचा मृत्यू झाल्याची बातमी आली होती. त्यावेळी त्या भागातील 450 गावांना रस्ते नव्हते आणि वनविभागाचे कायदे रस्ते बांधण्यापासून रोखत होते. रस्त्यांअभावी विकास होत नव्हता.त्यावेळी मी माझ्या पद्धतीने तो प्रश्न सोडवला होता. तुम्ही म्हणता तसे सरकार चालणार नाही, हे प्रशासकीय अधिकाऱ्यांनी लक्षात ठेवा, असे नितीन गडकरी म्हणाले. त्यामुळे आम्ही सांगू त्यानुसार सरकार काम करेल. नितीन गडकरींनी अधिकाऱ्यांना सांगितले की, तुम्ही फक्त ‘हो सर’ म्हणा आणि आम्ही दिलेल्या आदेशाचे पालन करा.

The post ‘आम्ही मंत्री आहोत, आम्हाला कायदा मोडण्याचा अधिकार’, नितीन गडकरी असं का म्हणाले? जाणून घ्या… appeared first on थोडक्यात घडामोडी.

नागपूर : देशातील 30 टक्के वाहन परवाने बोगस असल्याचा धक्कादायक खुलासा केंद्रीय दळण-वळण मंत्री नितीन गडकरी यांनी केला. त्याचबरोबर त्यांनी आपले अधिकारी आणि इंजिनियर्स यांना बोगस लायसन्स तसेच रस्त्यावरचे मृत्यू यासाठी जवाबदार धरले आहे. ते रस्ता सुरक्षा अभियानाच्या एका कार्यक्रमात नागपूरमध्ये बोलत होते.

केंद्रीय मंत्री नितीन गडकरी यांनी यावेळी आपल्याच विभागाच्या अधिकाऱ्यांना सुनावलं आहे. वाहन परवाना घ्यायला सर्वात सोपा देश भारत आहे. आरटीओ ऑफिसर्सची माफी मागतो. पण, गांधीजी दिसले की मारा ठप्पा. सांगायला लाज वाटते पण 30% लायसन्स बोगस आहेत, असा दावा देखील त्यांनी केला. गरीब माणसालाही सुरक्षा हवी. एअर बॅग्स फक्त मोठ्या गाड्यांना का? सर्व गाड्यांना एअर बग्स हव्या, असे मत गडकरी यांनी व्यक्त केलं.

पैसे मिळाले की आरटीओ अधिकारी लायसन्स देतात अशी टीकाही त्यांनी केली आहे. तर रस्त्यावरच्या अपघाताला गडकरींनी आपल्याच इंजिनियर्सला जबाबदार धरले. रोड इंजिनियरिंग महत्वाचे आहे. अर्ध्या रस्त्यावरच्या मृत्यूंना तर इंजिनियर जबाबदार आहे. ह्यांचा डी पी आर, ह्यांचे लोक इतके फ्रॉड आणि बोगस आहेत. मी आता 12000 कोटी रुपये खर्च करून ब्लॅक स्पॉट्स ठीक केले आहे. पुणे-कोल्हापूर रस्त्यावर जयसिंगपूर येथे 150 लोकांना रस्ता वाकडा असल्यामुळे जीव गमवावा लागला. पण, कोणी काही केले नाही. तो मी ठीक केला आता कोणी तिथे पडत नाही, असंदेखील गडकरी यांनी यावेळी सांगितलं.

The post नितीन गडकरी यांनी केला धक्कादायक खुलासा, देशातील 30 टक्के वाहन परवाने बोगस appeared first on थोडक्यात घडामोडी.

गायीच्या शेणापासून बनवलेलं ‘वेदिक पेंट’ लवकरच बाजारात येणार आहे. केंद्रीय मंत्री नितीन गडकरी यांनी यासंबंधीची माहिती दिली. खादी आणि ग्रामोद्योग आयोगाकडून वेदिक पेंटची निर्मिती केली जाणार आहे. ग्रामीण अर्थवस्थेला बळ देण्यासाठी हा उपक्रम राबवला जात असल्याचंही त्यांनी स्पष्ट केलं.

नितीन गडकरी यांनी ट्विट करत म्हटलं कि, ‘ग्रामीण अर्थव्यवस्थेला बळ मिळण्यासाठी आणि शेतकऱ्यांना अतिरिक्त उत्पन्नाचं साधन मिळावं यासाठी खादी आणि ग्रामोद्योग आयोगाच्या माध्यमातून लवकरच ‘वेदिक पेंट’ बाजारात उपलब्ध केले जाणार आहे. वेदिक पेंट हे डिस्टेंपर आणी इमल्शन अशा दोन प्रकारात उपलब्ध होणार आहे. हे पेंट पर्यावरणपूरक, नॉन टॉक्सिक, अ‍ॅन्टी बॅक्टेरिअल, अ‍ॅन्टी फंगल आणि वॉशेबल आहे. रंगरंगोटी झाल्यावर केवळ ४ तासांत हे पेंट सुकेल. तसेच, वेदिक पेंटमुळे पशूधन विक्री करणाऱ्या शेतकऱ्यांच्या वार्षिक उत्पन्नात अंदाजे ५५ हजार रूपयांची वाढ होऊ शकते.”

डिस्टेंपर और इमल्शन में आने वाला यह पेंट इको फ्रेंडली, नॅान टौक्सिक, एंटी बैक्टीरियल, एंटी फंगल और वॅाशेबल होगा और केवल चार घंटे में सुखेगा। इससे पशुधन रखने वाले किसानों को साल में 55 हजार रूपए की अतिरिक्त आमदनी होगी।

— Nitin Gadkari (@nitin_gadkari) December 17, 2020

The post गायीच्या शेणापासून बनवलेलं ‘वेदिक पेंट’ लवकरच येणार बाजारात appeared first on थोडक्यात घडामोडी.

राज्यातील महाविकास आघाडी सरकार म्हाताऱ्या बैलासारखे आहे. या सरकारला तुतारी घेऊन सतत टोचत राहावे लागते. त्याशिवाय ते पुढेच जात नाही, अशी घणाघाती टीका केंद्रीय मंत्री नितीन गडकरी यांनी रविवारी नागपुरात केली. नागपूर पदवीधर मतदारसंघाचे उमेदवार संदीप जोशी यांच्या प्रचारार्थ पूर्व विदर्भाच्या पदवीधरांच्या मेळाव्यात ते बोलत होते.

नितीन गडकरी यावेळी म्हणाले, नागपूर आंतरराष्ट्रीय विमानतळाची निविदा काढण्यात आली. मात्र सरकार बदलले आणि काम ठप्प झाले. नागपूर ब्रॉड गेज मेट्रोला मंजुरी देण्यासाठी या सरकारला एक वर्ष लागलं. भाजपचे सरकार असते तर एक महिन्यात झाले असते.

निवडणुकीत जातीपातीचे राजकारण केले जात आहे. माणूस हा जातीने नाही तर कर्तृत्वाने मोठा असतो. विविध पक्षांमध्ये ज्या जातीनिहाय आघाडी करण्यात आल्या आहेत त्या बंद झाल्या पाहिजे. कार्यकर्त्यांत जात नसते. मात्र ज्याला उमेदवारी पाहिजे असते त्यांना जात आठवते. परंतु राज्यातील आघाडी सरकार व केंद्रातील विरोधक जातीचे राजकारण करीत आहेत. त्यांना धडा शिकवायला हवा, असंदेखील गडकरी म्हणाले.

The post राज्यातील महाविकास आघाडी सरकार म्हाताऱ्या बैलासारखे – नितीन गडकरी appeared first on थोडक्यात घडामोडी.