उत्तर कोरियाचे हुकुमशाह किम जोंग उन यांनी उत्तर कोरियात कोरोनाचा प्रादुर्भाव वाढू नये यासाठी कडक निर्बंध लादले आहेत. तसंच हे नियम मोडणाऱ्यांना कठोर शिक्षाही केली जात आहे. माध्यमांमध्ये प्रसिद्ध झालेल्या वृत्तानुसार उत्तर कोरियात किम जोंग उन यांनी कोरोनाबाबत घालून दिलेले नियम मोडल्यामुळे एका व्यक्तीला आपला जीव गमवावा लागला आहे.

किम जोंग उन यांनी संबंधित व्यक्तीला फायरिंग स्क्वाडच्या हाती सोपवलं. त्यानंतर त्या व्यक्तीला सार्वजनिक ठिकाणी गोळ्या घालण्यात आल्या. इतकंच नाही तर माध्यमांमध्ये आलेल्या वृत्तांनुसार किम जोंग उन यांनी नागरिकांमध्ये भीतीचं वातावरण निर्माण व्हावं यासाठी चीनच्या सीमेवर अँटी एअरक्राफ्ट बंदुकाही तैनात केल्या आहेत. त्याद्वारे एका किलोमीटरपर्यंतही कोणालाही गोळ्या घालता येऊ शकतात.

वृत्तानुसार किम जोंग उन यांनी २८ नोव्हेंबर रोजी एका व्यक्तीला कोरोनाच्या नियमांचं उल्लंघन केल्याप्रकरणी सार्वजनिक ठिकाणी गोळ्या घालण्याचे आदेश दिले होते. त्या व्यक्तीनं चिनी सामानाची तस्करी केल्याचा आरोप ठेवण्यात आला होता. त्या व्यक्तीला स्थानिक सुरक्षा दलानं ताब्यात घेतलं. त्यानंतर त्या व्यक्तीला सार्वजनिक ठिकाणी गोळ्या घालण्यात आल्या.

The post हुकुमशाह किम जोंग उनचे कृत्य, कोरोनाचे नियम मोडल्यामुळे एका व्यक्तीला सार्वजनिक ठिकाणी घातल्या गोळ्या appeared first on थोडक्यात घडामोडी.