हरयाणाचे मंत्री अनिल वीज यांना कोरोनाची लागण झाली आहे. अनिल वीज यांनी स्वत: ट्विट करून यासंबंधात माहिती दिली. विशेष म्हणजे, नोव्हेंबर महिन्यात कोरोनाच्या भारतीय लस असलेल्या ‘कोव्हॅक्सीन’च्या चाचणी टप्प्यात अनिल वीज यांनी सहभाग घेतला होता.

अनिल वीज यांना अंबाला कॅन्टच्या सिव्हिल रुग्णालयात दाखल करण्यात आलं आहे. कोविड प्रोटोकॉलप्रमाणे आपल्या संपर्कात आलेल्या लोकांना करोना चाचणी करवून घेण्याचं आवाहन वीज यांनी केलं आहे.

I have been tested Corona positive. I am admitted in Civil Hospital Ambala Cantt. All those who have come in close contact to me are advised to get themselves tested for corona.

— ANIL VIJ MINISTER HARYANA (@anilvijminister) December 5, 2020

‘कोव्हॅक्सीन’ लस घेऊनही अनिल वीज करोना संक्रमित आढळल्यानं लशीच्या परिणामकारकतेवर पुन्हा एकदा प्रश्नचिन्ह उपस्थित करण्यात येतंय. कोव्हॅक्सिन ही भारत बायोटेकची लस चाचणीच्या तिसऱ्या टप्प्यात आहे. अनिल वीज यांनी अंबालाच्या एका रुग्णालयात २० नोव्हेंबर रोजी कोव्हॅक्सिनचा पहिला डोस घेतला होता. कोव्हॅक्सिन लस चाचणीच्या तिसऱ्या टप्प्यात प्रोटोकॉलनुसार, ०.५ मिलीग्रॅम डोस दिला जातो. पहिल्या डोसनंतर दुसरा डोस २८ व्या दिवशी दिला जातो. अनिल वीज यांना दुसरा डोस अद्याप दिला गेलेला नाही.

The post कोरोनाची लस घेऊनही अनिल वीज यांना कोरोनाची लागण appeared first on थोडक्यात घडामोडी.

पंतप्रधान नरेंद्र मोदी यांनी आज एक सर्वपक्षीय बैठक घेतली. येत्या काही दिवसांत कोविड १९ लस तयार होऊ शकते. देशात जवळपास आठ लशींवर काम सुरू आहे, असं पंतप्रधानांनी यावेळी स्पष्ट केलं. भारतात लशींच्या वेगवेगळ्या टप्प्यांवर काम सुरू आहे. सध्या देशात तीन वेगवेगळ्या लशींची चाचणी वेगवेगळ्या टप्प्यांत सुरू आहे.

कोविड १९ लस वितरणासाठी केंद्र आणि राज्य सरकारला मिळून काम करावं लागणार आहे. यासाठी देशात कोल्ड चैनची व्यवस्था निर्माण करण्यावर आणखीन भर द्यावा लागणार आहे. लशी संदर्भात सर्व राज्यांच्या मुख्यमंत्र्यांशी चर्चा झालेली आहे तसंच सुचनाही विचारात घेण्यात आलेल्या आहेत. काही दिवसांपूर्वी भारतीय बनावटीची लस तयार करणाऱ्या तज्ज्ञांशीही चर्चा केली. आपले वैज्ञानिक करोना लशीसंदर्भात खूपच आश्वासक आहेत.

भारतीय लस निर्मात्या कंपन्या आणि ICMR जागतिक पातळीवर लस निर्मात्या कंपन्यांच्या संपर्कात आहेत. तज्ज्ञांच्या म्हणण्यानुसार, काही आठवड्यांत लस तयार होऊ शकेल. यानंतर, तज्ज्ञांना लशीसंदर्भात हिरवा झेंडा मिळताच देशात लस अभियानाला सुरुवात होईल. करोना लशीच्या वाटपासंदर्भात गाईडलाईन्स बनवण्याचं काम सुरू आहे. लस बनवण्याची भारताची क्षमता जगातील इतर देशांपेक्षा नक्कीच चांगली आहे. आपल्याकडे मोठं नेटवर्क आहे, याचाही फायदा घेता येईल, असं पंतप्रधानांनी सर्वपक्षीय बैठकीत म्हटलं.

Speaking at the All Party Meeting. https://t.co/TZaJ5DJBXz

— Narendra Modi (@narendramodi) December 4, 2020

The post तज्ज्ञांना हिरवा झेंडा मिळताच देशात लस अभियान होणार सुरु – पंतप्रधान मोदी appeared first on थोडक्यात घडामोडी.

नवी दिल्ली : दुसऱ्या आणि तिसऱ्या टप्प्यातील लशीच्या चाचणीसाठी नव्या उमेदवारांची भर्ती रोखण्याचे निर्देश डीसीजीआयनं ‘सीरम’ला दिलेत. पुढच्या आदेशापर्यंत औषध कंपनी ‘एस्ट्राजेनेका’नं इतर देशांत ऑक्सफर्ड कोविड १९ च्या लशीची चाचणी थांबविल्यानंतर डीसीजीआयनं सीरमला ही सूचना केलीय.

व्ही जी सोमानी यांच्या आदेशाद्वारे ‘भारतीय सीरम संस्थे’ला आत्तापर्यंत चाचणी अवस्थेत असणारी करोना लस टोचून घेतलेल्या लोकांच्या सुरक्षेत वाढण्यात करण्यात यावी, त्यांच्या आरोग्यावर नजर ठेवावी तसंच योजना आणि रिपोर्ट सादर करावेत, असे आदेश दिलेत. भविष्यात चाचणीसाठी नव्या भर्ती करण्यापूर्वी डीसीजीए कार्यालयाकडून पूर्व परवानगी घेण्यासाठी ब्रिटन आणि भारतात ‘डाटा अँड सेफ्टी मॉनिटरिंग बोर्ड’ कडून मंजुरी जमा करवेत, असे आदेशही महानियंत्रकांनी सीरमला दिलेत.

The post कोविड १९ (कोरोना) लस चाचणीसाठी सिरमची उमेदवार भर्ती रोखली appeared first on थोडक्यात घडामोडी.