नवी दिल्ली : भारतात येत्या सहा ते आठ आठवड्यांत कोरोनाची तिसरी लाट दाखल होऊ शकते. कोरोनाची तिसरी लाट रोखणं अशक्य असल्याचं मत ‘ऑल इंडिया इंस्टिट्यूट ऑफ मेडिकल सायन्स’चे (AIIMS) प्रमुख डॉक्टर रणदीप गुलेरिया यांनी व्यक्त केले आहे.

एम्सचे प्रमुख रणदीप गुलेरिया म्हणाले कि, “देशभरात अनलॉकची प्रक्रिया सुरू आहे. त्यामुळे पुन्हा नागरिकांनी कोविडसंबंधी  काळजी घेणं कमी केलं असून नियम पाळण्याचा अभाव दिसून येत आहे. पहिल्या आणि दुसर्‍या लाटेदरम्यान जे घडले, त्यातून आपण काहीही धडा घेतला नसल्याचे सध्याच्या परिस्थितीतून दिसून येत आहे. पुन्हा गर्दी वाढत आहे, लोक जमा होत आहेत. असं सुरु राहील तर देशात काही दिवसांतच कोरोना रुग्णांच्या संख्येत वाढ होईल.”

डॉ. गुलेरिया पुढे म्हणाले कि, “तिसरी लाट अपरिहार्य आहे, ती रोखणं अशक्य असून अशीच परिस्थिती राहिली तर पुढील सहा ते आठ आठवड्यांत कोरोनाची तिसरी लाट देशात दाखल होऊ शकते. कदाचित त्यापेक्षा थोडा अधिकही वेळ लागू शकतो. हे कोविड नियम आपण कशा पद्धतीने हाताळतो आणि गर्दीपासून वाचण्याचा कसा प्रयत्न करतो, त्यावर अवलंबून आहे.”

ते पुढे म्हणाले, “आता पसरत असलेला डेल्टा व्हॅरिएंट अधिक संसर्गजन्य आहे. त्यामुळे वेगाने प्रसार होण्याची शक्यता आहे. व्हायरस अजूनही उत्परिवर्तन करीत आहे, आपण सावधगिरी बाळगणे आवश्यक आहे. नवीन लाटांमधील काळ कमी होत आहे आणि हे अतिशय चिंताजनक आहे.”

डॉ. रणदीप गुलेरिया यांनी यावेळी कोव्हिशिल्ड लशीच्या दोन डोसमधील अंतर वाढवण्याचा निर्णय चुकीचा म्हणता येणार नाही, कारण यामुळे जास्तीत जास्त लोकांचा जीव वाचवला जाऊ शकतो, असं मत व्यक्त केलं. आत्तापर्यंत देशातील ५ टक्के लोकसंख्येला कोरोना लसीचे दोन डोस देण्यात आले आहेत. या वर्षीच्या शेवटपर्यंत देशातील १०८ कोटी लोकसंख्येचं लसीकरण करणं, हे सरकारचं लक्ष्य असून एक मोठं आव्हान आहे.

The post बापरे! कोरोनाची तिसरी लाट रोखणं अशक्य, AIIMS प्रमुख रणदीप गुलेरिया म्हणाले… appeared first on थोडक्यात घडामोडी.

मुंबईः सुशांतच्या व्हिसेराचा अहवाल आज एम्सच्या डॉक्टरांच्या टीमसमोर सादर होण्याची शक्यता आहे. पण हा अहवाल सादर होण्याआधीच सुशांतच्या व्हिसेराच्या नमुन्यात गडबड असल्याच्या चर्चेला उधाण आले आहे. व्हिसेरा योग्य प्रकारे सुरक्षित ठेवण्याची खबरदारी घेतली गेली नाही. मुंबईतील फॉरेंसिकच्या प्रयोगशाळेने सुशांत प्रकरणात नमुने मिळवण्यात तसेच त्यांचे अहवाल करण्यात जास्त वेळ खर्ची पडल्याचे मान्य केले तसेच व्हिसेराचा पुरेसा नमुना उपलब्ध नाही. यामुळे अचूक विश्लेषण अशक्य असल्याची चर्चा सुरू आहे.

सध्या साऱ्यांचे लक्ष एम्सचे तज्ज्ञ फॉरेंसिकच्या अहवालावर काय प्रतिक्रिया देतात आणि व्हिसेराबाबत त्यांचे काय म्हणणे आहे याकडेच आहे. असं झालं तर अभिनेता सुशांत सिंह राजपूत याच्या मृत्यूचे रहस्य कायम राहण्याची शक्यता आहे.

The post सुशांतच्या व्हिसेराच्या नमुन्यात गडबड असल्याच्या चर्चेला उधाण appeared first on थोडक्यात घडामोडी.