मुंबई : कुलदीप यादव खूप दिवसांपासून निराश आहे. महेंद्रसिंग धोनीच्या निवृत्तीनंतर कुलदीपला खेळण्याची खूपच कमी संधी मिळाल्या आहेत. आता वर्ल्ड टेस्ट चॅम्पियनशीप आणि इंग्लंडच्या कसोटी मालिकेसाठी संघात स्थान मिळालेलं नाही. त्याला गेल्या वर्षभरात खूपच कमी संधी मिळाल्या. साहजिक कुलदीपला जुने दिवस आठवले. तो म्हणाला, आज मला माही भाईची खूप आठवण येतेय. माही भाई असताना मी आणि युजवेंद्र चहल आम्हाला दोघांनाही खेळायला मिळायचं. माही भाईच्याच काळात मी हॅट्रिक घेतली, असं कुलदीप यादव म्हणाला.

वर्ल्ड टेस्ट चॅम्पियनशीपच्या अंतिम सामन्यासाठी तसंच इंग्लंड विरुद्धच्या कसोटी मालिकेसाठी टीम इंडियाची घोषणा करण्यात आली. या दौऱ्यासाठी बीसीसीआयने 4 राखीव खेळाडूंसह एकूण 24 सदस्यीय संघ जाहीर केला आहे. जाहीर केलेल्या भारतीय संघात स्टार फिरकीपटू कुलदीप यादवला स्थान देण्यात आलेलं नाही. आयपीएलमध्येही त्याला खेळण्याची संधी मिळाली नाही. भारतीय संघात संधी मिळत नाही, हे पाहून कुलदीपला दु:ख होतं आहे.

कुलदीप म्हटला कि, मला माही भाईची खूप आठवण येतीय. माही भाई विकेटच्या पाठीमागून सल्ला देत असायचा, बॅट्समनला पॅव्हेलियनमध्ये पाठवण्यासाठी काही ना काही सांगायचा. धोनीजवळ प्रचंड अनुभव आहे. जेव्हा धोनी होता तेव्हा मी आणि चहल एकसाथ संघात खेळायचो. जेव्हापासून धोनीने निवृत्ती घेतलीय तेव्हापासून मी आणि चहल संघात एकत्र खेळलो नाही. धोनीच्या निवृत्तीनंतर हाताच्या बोटावर मोजण्याइतपत मी मॅचेस खेळल्या आहेत. माही भाईच्याच काळात मी हॅट्रिकही घेतली होती. रिषभ पंत सध्या नवा आहे. तो जेवढा जास्त खेळेल तेवढं पुढे जाऊन विकेटच्या पाठीमागून तो बोलर्सला सल्ला देईल. मला नेहमी वाटतं गोलंदाजाला एका मजबूत साथीची आवश्यकता असते, जो दुसऱ्या बाजूने मदत करीन.

तो पुढे म्हणाला कि, कधीकधी मला वाटतं, हे आपल्यासोबत काय होतंय, याचा वारंवार माझ्या मनात विचार येतो. काळ अतिशय कठीण आहे. कधी कधी माझं मन म्हणतं तू आता पहिला कुलदीप राहिला नाही. कारकीर्दीतले काही दिवस असे असतात की जेव्हा तुम्हाला पाणी द्यायला आणि बेंचवर बसणं चांगले वाटतं, परंतु काही दिवस असे असतात जेव्हा आपल्याला त्या ठिकाणी अजिबात राहायचं नसतं”, अशा भावना कुलदीपने व्यक्त केल्या.

The post मला माही भाईची खूप आठवण येतेय, त्याने निवृत्ती घेतल्यापासून मी… appeared first on थोडक्यात घडामोडी.

IND vs ENG ODI : भारतीय संघाने आज तिसऱ्या एकदिवसीय सामन्यात अतिशय रोमांचक विजय मिळवला. भारताने 7 धावांनी सामना जिंकला. या विजयासह भारतीय संघाने २-१ ने मालिका देखील जिंकली.

भारताची प्रथम फलंदाजी करताना चांगली सुरुवात झाली. भारताला यावेळी शिखर धवनच्या अर्धशतकाच्या जोरावर १०३ धावांची सलामी मिळाली होती. पण त्यानंतर भारताने ५४ धावांमध्ये चार विकेट्स गमावल्या आणि त्यांची ४ बाद १५७ अशी अवस्था झाली होती. त्यानंतर ऋषभ पंत फलंदाजीला आला. त्याने धमाकेदार फलंदाजी करत ७८ धावा केल्या. हार्दिकने पंतला चांगली साथ दिली. यावेळी हार्दिकने ६४ धावांची खेळी केली. भारताने इंग्लंड समोर ३३० धावांचे आव्हान ठेवले.

३३० धावांच्या आव्हानाचा पाठलाग करताना इंग्लंडला सुरुवातीपासूनच धक्के बसत गेले. भुवनेश्वरने पहिल्याच षटकात जेसन रॉयला बाद केले. जॉनी बेअरस्टोलाही तिसऱ्या षटकात भुवनेश्वरनेच बाद केले आणि इंग्लंडची २ बाद २८ अशी अवस्था झाली. त्यानंतर टी. नटराजनने स्टोक्सला ३५ धावांवर बाद केले. त्यानंतर डेव्हिड मलानने ५० धावांची दमदार खेळी साकारली. परंतु, त्यानंतर शार्दुल ठाकूरने मलानसह कर्णधार जोस बटलर आणि लायम लिव्हिंगस्टोन यांना बाद केले. त्यानंतर सॅम करनने इंग्लंडला विजयाच्या जवळ नेलं, परंतु, अखेर तो संघाला विजय मिळवून देऊ शकला नाही.

The post IND vs ENG ODI : भारतीय संघाने इंग्लंडविरुद्ध मिळवला रोमांचक विजय, मालिकाही २-१ ने जिंकली appeared first on थोडक्यात घडामोडी.

पुणे : भारताने इंग्लंडपुढे ३३७ धावांचा आव्हान ठेवलं आहे. केएल राहुलने इंग्लंडविरुद्धच्या दुसऱ्या वनडेत दमदार शतक ठोकलं. कर्णधार विराट कोहली आणि ऋषभ पंत यांनी केलेल्या अर्धशतकाच्या जोरावर भारताने फलंदाजी करत ५० षटकात ६ बाद ३३६ धावा केल्या.

इंग्लंडने नाणेफेक जिंकून प्रथम गोलंदाजी करण्याचा निर्णय घेतला. इयान मॉर्गन जखमी असल्यामुळे संघाबाहेर असून इंग्लंडचे कर्णधारपद जोस बटलरकडे देण्यात आले. भारतीय संघात श्रेयस अय्यर जखमी असल्यामुळे ऋषभ पंतला संधी दिली. भारतीय डावाची सुरूवात रोहित शर्मा आणि शिखर धवन यांनी केली. शिखर फक्त ४ धावांवर बाद झाला. त्यानंतर रोहित शर्मा देखील २५ धावांवर माघारी परतला. त्यानंतर कर्णधार विराट कोहली आणि केएल राहुल यांनी तिसऱ्या विकेटसाठी शतकी भागिदारी केली. परंतु, विराट कोहली ६६ धावांवर बाद झाला. त्यानंतर आलेल्या ऋषभ पंतने फक्त २८ चेंडूत ५० धावा केल्या. राहुलने वनडेतील पाचवे शतक पूर्ण केले. त्याने ११४ चेंडूत २ षटकार आणि ७ चौकारांसह ११४ धावा केल्या. पंत ४० चेंडूत ७७ धावा करून बाद झाला. त्याने ७ षटकार आणि ३ चौकार मारले.

दरम्यान विराटने वनडे क्रिकेटमध्ये तिसऱ्या क्रमांकावर येत सर्वात कमी डावात १० हजार धावा पूर्ण केल्या. अशी कामगिरी करणारा तो जगातील दुसरा फलंदाज ठरला.

The post Ind vs Eng 2nd ODI : भारताने इंग्लंडपुढे ठेवले ३३७ धावांचे आव्हान, केएल राहुलचे दमदार शतक appeared first on थोडक्यात घडामोडी.

IND vs ENG 5th T20 : आज भारत आणि इंग्लंड यांच्यात सुरु असलेल्या पाच सामन्यांच्या टी -20 मालिकेतील निर्णायक आणि अखेरचा सामना खेळला जाणार आहे. चौथ्या टी -20 सामन्यात भारताच्या रोमहर्षक विजयानंतर मालिका 2-2 अशी बरोबरीत आहे. त्यामुळे हा सामना जिंकून ही सिरीज जिंकण्याचे प्रयत्न दोन्ही संघांकडून केले जाणार आहेत. हा सामना संध्याकाळी ७ वाजता सुरु होईल.

भारतीय टीम : विराट कोहली (कर्णधार), रोहित शर्मा (उपकर्णधार), केएल राहुल, शिखर धवन, श्रेयस अय्यर, सूर्यकुमार यादव, हार्दिक पांड्या, ऋषभ पंत (यष्टीरक्षक), ईशान किशन (यष्टीरक्षक), युजवेंद्र चहल, अक्षर पटेल, वॉशिंग्टन सुंदर, राहुल तेवतिया, टी नटराजन, भुवनेश्वर कुमार, दीपक चहर, नवदीप सैनी आणि शार्दुल ठाकूर.

इंग्लंड टीम : इयोन मॉर्गन (कर्णधार), मोईन अली, जोफ्रा आर्चर, जॉनी बेअरस्टो, सॅम बिलिंग्ज, जोस बटलर (यष्टीरक्षक), सॅम कुरन, टॉम कुरन, ख्रिस जॉर्डन, लिम लिव्हिंगस्टोन, डेव्हिड मालन, आदिल राशिद, जेसन रॉय, बेन स्टोक्स , रीस टोपली आणि मार्क वुड.

The post IND vs ENG 5th T20 : आज भारत आणि इंग्लंड यांच्यात निर्णायक सामना appeared first on थोडक्यात घडामोडी.

इंग्लंडविरुद्धच्या तीन वन डे सामन्यांच्या मालिकेसाठी भारतीय संघाची घोषणा करण्यात आली. भारत आणि इंग्लंड यांच्यातील मालिकेचे तिन्ही सामने पुण्यात खेळले जातील. या संघात सूर्यकुमार यादव, क्रुणाल पंड्या आणि प्रसिद्ध कृष्णा यांना स्थान मिळालं आहे.

भारत विरुद्ध इंग्लंड वन डे मालिका वेळापत्रक :

1. 23 मार्च  – दुपारी 1:30 वाजता – पुणे
2. 26 मार्च – दुपारी 1:30 वाजता – पुणे
3. 28 मार्च – दुपारी 1:30 वाजता – पुणे

इंग्लंड विरुद्ध भारताची वन डे टीम पुढीलप्रमाणे :

विराट कोहली (कर्णधार), रोहित शर्मा (उपकर्णधार), शिखर धवन, शुभमन गिल, श्रेयस अय्यर, सूर्यकुमार यादव, हार्दिक पांड्या, रिषभ पंत (विकेटकीपर), केएल राहुल (यष्टीरक्षक), युजवेंद्र चहल, कुलदीप यादव, क्रुणाल पंड्या वॉशिंग्टन सुंदर , टी. नटराजन, भुवनेश्वर कुमार, मोहम्मद सिराज, प्रसिध कृष्णा, शार्दुल ठाकूर.

TEAM – Virat Kohli (Capt), Rohit Sharma (vc), Shikhar Dhawan, Shubman Gill, Shreyas, Suryakumar Yadav, Hardik Pandya, Rishabh Pant (wk), KL Rahul (wk), Y Chahal, Kuldeep Yadav, Krunal Pandya, W Sundar, T Natarajan, Bhuvneshwar Kumar, Md. Siraj, Prasidh Krishna, Shardul Thakur.

— BCCI (@BCCI) March 19, 2021

The post ब्रेकिंग : इंग्लंडविरुद्धच्या वन डे सामन्यांसाठी भारतीय संघाची घोषणा appeared first on थोडक्यात घडामोडी.

अहमदाबाद : इंग्लंडविरुद्धची कसोटी मालिका भारतीय संघाने ३-१ ने जिंकली. अहमदाबाद येथील नरेंद्र मोदी स्टेडिमयवर झालेल्या चौथ्या सामन्यात भारताने दणदणीत विजय मिळवला आहे. भारतीय संघाने एक डाव आणि २५ धावांनी विजय मिळवला. वाशिंग्टन सुंदरचे शतक फक्त चार धावांनी हुकले. त्याने १७४ चेंडूत १० चौकार आणि १ षटकारासह नाबाद ९६ धावा केल्या.

भारताने पहिल्या डावात १६० धावांची आघाडी घेतली. इंग्लंडच्या दुसऱ्या डावाची सुरूवात खराब झाली. अश्विनने क्रॉली आणि जॉनी बेयरस्टोला बाद करत २ बाद १० अशी इंग्लंडची अवस्था केली. त्यानंतर अक्षर पटेलने डॉमनिक सिबलीला माघारी पाठवले. अश्विनने बेन स्टोक्सला शून्यावर बाद केले. पाचव्या विकेटसाठी जो रूट आणि ओली पोप यांनी ३५ धावांची भागीदारी केली. पोपला अक्षरने १५ धावांवर बाद केले. त्यानंतर अश्विनने कर्णधार जो रूटला (३०) बाद केले. त्यानंतर सातव्या विकेटसाठी बेन फोक्स आणि लॉरेंन्स यांनी ४३ धावांची भागीदारी केली. अक्षरने फोक्सला माघारी पाठवले, अजिंक्य रहाणेने त्याचा शानदार कॅच घेतला. अक्षरने डोमिनिक बेसला बाद करत इंग्लंडची आठवी विकेट घेतली. अश्विनने जॅक लीचला बाद करत इंग्लंडची नववी विकेट घेतली. दुसऱ्या डावात आर अश्विन आणि अक्षर पटेल यांनी प्रत्येकी पाच विकेट घेतल्या.

इंग्लंडविरुद्धची कसोटी मालिका ३-१ ने जिंकत भारतीय संघाने आयसीसी वर्ल्ड टेस्ट चॅम्पियनशिपच्या (WTC) फायनलमध्ये प्रवेश केला आहे. जूनमध्ये लॉर्ड्स मैदानावर होणाऱ्या फायनलमध्ये भारत आणि न्यूझीलंड संघ समोरासमोर असतील.

That victory against England means India finish the league phase of the inaugural ICC World Test Championship with a fine view from the top of the table ?#INDvENG | #WTC21 pic.twitter.com/rXFiKPXdB7

— ICC (@ICC) March 6, 2021

The post भारतीय संघाचा इंग्लंडविरुद्धच्या कसोटीत दणदणीत विजय, भारताचा WTC फायनलमध्ये प्रवेश appeared first on थोडक्यात घडामोडी.

भारत आणि इंग्लंड यांच्यातील चौथी आणि शेवटची कसोटी अहमदाबादच्या नरेंद्र मोदी स्टेडियमवर खेळली जात आहे. इंग्लंडने नाणेफेक जिंकून प्रथम फलंदाजी करताना 205 धावा केल्या. इंग्लंडकडून बेन स्टोक्सने 55 धावा केल्या. त्याचबरोबर टीम इंडियाकडून फिरकीपटू अक्षर पटेलने 4 आणि रविचंद्रन अश्विनने 3 गडी बाद केले.

इंग्लंडकडून बेन स्टोक्सशिवाय डॅन लॉरेन्सने 46, ऑली पोपने 29 आणि जॉनी बेअरस्टोने 28 धावा केल्या. अक्षर पटेलने ४ गडी बाद केले. त्याच्याशिवाय रविचंद्रन अश्विनने 3 आणि मोहम्मद सिराजने 2 गडी बाद केले. अक्षरने जॅक क्रॉली, डोम सिब्ली, डॅन लॉरेन्स आणि डोम बेस यांना बाद केले. सिराजने बेअरस्टो आणि जो रूटला पॅव्हेलियनमध्ये पाठवले. अश्विनने ओली पोप आणि बेन फॉक्सला बाद केले. वॉशिंग्टन सुंदरला एक विकेट मिळाली. त्याने बेन स्टोक्सला 55 धावांवर एलबीडब्ल्यू केले. स्टोक्सने त्याच्या कसोटी कारकिर्दीतील 24 वे अर्धशतक ठोकले.

इंग्लंडने सुरुवातीला 5 षटकांत 10 धावा केल्या. नंतर विराट कोहलीने सहाव्या षटकात फिरकीपटू अक्षर पटेलला पाठवले. त्याने कोहलीचा निर्णय योग्य ठरवत ओव्हरच्या दुसऱ्या चेंडूवर सलामीवीर डोम सिबलीला त्रिफळाचित केले. सिबलीला केवळ 2 धावा करता आल्या. आपल्या पुढच्या षटकात अक्षरने जॅक क्रोलीला (9) झेलबाद केले. मोहम्मद सिराजने हा झेल टिपला.

इंग्लंडला तिसरा धक्का मोहम्मद सिराजने 30 धावांवर दिला. त्याने इंग्लंडचा कर्णधार जो रूटला मागे पाठवले. यानंतर जॉनी बेअरस्टो आणि बेन स्टोक्स यांनी 48 धावांची भागीदारी करत डाव सावरला. बेअरस्टोनंतर स्टोक्सने ओली पोप याच्यासह 43 धावांची भागीदारी केली. त्यानंतर स्टोक्स बाद झाला. पोपने डॅम लॉरेन्सबरोबर सहाव्या विकेटसाठी 45 धावांची भागीदारी केली. इंग्लंडला नंतर कोणतीही मोठी भागीदारी करता आली नाही आणि इंग्लंडचा डाव २०५ धावांमध्ये गुंडाळला.

The post IND vs ENG 4th test : इंग्लंडचा पहिला डाव २०५ धावांमध्ये गुंडाळला appeared first on थोडक्यात घडामोडी.

लंडन : इंग्लंडच्या एक्स्टर शहरात तब्बल आठ दशकांनंतर दुसर्‍या महायुद्धातील बॉम्ब आढळला. त्यानंतर इंग्लंडमधील एक्स्टर शहर रिकामे करण्यात आले होते. दुसऱ्या महायुद्धातील या महाविनाशक बॉम्बला रविवारी निकामी करण्यात आले. रिमोट कंट्रोल द्वारे या बॉम्बचा स्फोट घडवून आणण्यात आला. स्फोटाची तीव्रता इतकी होती की काही किलोमीटर दूरपर्यंत असलेल्या खिडक्यांच्या काचा फुटल्या.

या बॉम्बची माहिती मिळताच, घटनास्थळावर बॉम्बशोधक पथक दाखल झाले. पोलिसांनी संपूर्ण परिसर रिकामा केला. विद्यापीठातील १४०० विद्यार्थ्यांसह ग्लेनहॉर्न रोड भागातील जवळपास २६०० घरांतील नागरिकांना शुक्रवारी आणि शनिवारी या भागातून दूर जाण्यास सांगितले. रविवारी सायंकाळी सहा वाजून १० मिनिटांनी हा बॉम्ब निकामी करण्यात आला. यासाठी नियंत्रित स्फोट घडवण्यात आला. या स्फोटाचा आवाज १० किमी पर्यंत ऐकू आल्याची माहिती आहे.

हा बॉम्ब हिटलरच्या नाझी सैन्याने ब्रिटनच्या एक्स्टर शहरावर डागला होता, असे म्हटले जाते. एक्स्टर विद्यापीठाच्या परिसरात हा बॉम्ब आढळून आला. या स्फोटाचा व्हिडिओ सोशल मीडियावर व्हायरल होत आहे. रॉयल नेव्ही बॉम्ब डिस्पोजल टीमच्या तज्ज्ञांनी नियंत्रित पद्धतीने हा स्फोट घडवून आणला.

दरम्यान, निवासी भागात ९०० किलो वजनाचा बॉम्ब सापडल्यानंतर आसपासच्या भागातही शोधमोहीम सुरु आहे. ब्रिटीश सुरक्षा संस्थांचा या भागात आणखी जिवंत बॉम्ब सापडतील असा अंदाज आहे.

We’ve spent the last 2 days in Exeter supporting the huge multi-agency operation for an unexploded WW2 bomb. This is from the drone the moment it was detonated…
(the 2nd clip is thermal imaging)#exeter @BBCNews @SkyNews @DevonLiveNews @DC_Police @BBCSpotlight @itvwestcountry pic.twitter.com/LECX9foVTy

— Alliance Police Drones (@PoliceDrones) February 28, 2021

The post तब्बल आठ दशकांनंतर फुटला दुसर्‍या महायुद्धातील बॉम्ब.. पहा थरारक व्हिडीओ… appeared first on थोडक्यात घडामोडी.

IND vs ENG : भारतीय संघाला इंग्लंडविरुद्धच्या पहिल्याच कसोटी सामन्यात पाराभव पत्करावा लागला. या पराभवानंतर भारतीय संघाला आणखी एक झटका बसला आहे. इंग्लंडविरुद्धच्या मालिकेपूर्वी भारतीय संघ आयसीसीच्या कसोटी अजिंक्यपद स्पर्धेत अव्वल स्थानावर विराजमान होता. पण या पराभवानंतर भारतीय संघाने अव्वल स्थान गमावले असून थेट चौथ्या स्थानावर घसरण झाली आहे.

इंग्लंडने भारतावर विजय मिळवत या क्रमवारीत अव्वल स्थान पटकावले आहे. इंग्लंडची आता ७०.२ अशी विजयाची टक्केवारी झाली आहे आणि त्यांनी अव्वल स्थान पटकावले आहे. या क्रमवारीत न्यूझीलंडचा संघ दुसऱ्या स्थानावर, तर ऑस्ट्रेलियाचा संघ तिसऱ्या स्थानावर आला आहे. तर भारतीय संघाची अव्वल स्थानावरून थेट चौथ्या स्थानावर घसरण झाली आहे.

A huge win over India in the first Test has propelled England to the top of the ICC World Test Championship standings ?#WTC21 pic.twitter.com/8AaC8XMrjr

— ICC (@ICC) February 9, 2021

चेन्नईत झालेल्या पहिल्या कसोटीत भारतीय संघाचा २२७ धावांनी पराभव झाला. अखेरच्या दिवशी भारताचा दुसरा डाव फक्त १९७ धावात संपुष्ठात आला. या विजयासह इंग्लंडने चार सामन्यांच्या मालिकेत १-० अशी आघाडी घेतली. दोन्ही संघातील दुसरा कसोटी सामना १३ फेब्रुवारीपासून सूरू होणार आहे.

आज खेळाला सुरुवात झाली तेव्हा भारतीय संघाला ३८१ तर इंग्लंडला ९ विकेटची गरज होती. काल रोहित शर्मा बाद झाल्यानंतर शुभमन गिल आणि चेतेश्वर पुजारा यांनी पाचव्या दिवशी डावाची सुरूवात केली. जॅक लीचने पुजाराला १६ धावांवर बाद करून दुसरा धक्का दिला. त्यानंतर गिलने सलग तिसऱ्या कसोटीत अर्धशतक पूर्ण केले. गिल बाद झाल्यावर विराट आणि अश्विन या दोघांनी १७१ धावसंख्येपर्यंत संघाला नेले. लीचने अश्विनला बाद केले आणि भारताला सातवा धक्का दिला. त्यानंतर विराटने कसोटीतील २४वे अर्धशतक झळकावले. विराट आणि नदीम किती वेळ मैदानावर थांबतात याची उत्सुकता होती. पण स्टोक्सने विराटला त्रिफळाचित केले. त्यानंतर नदीमला लीचने तर जोफ्रा आर्चरने बुमराहला बाद करत विजय मिळवला.

चेन्नईच्या चेपॉक स्टेडियमवर भारतीय संघाला तब्बल २२ वर्षांनंतर पराभव पत्करावा लागला आहे. गेल्या २२ वर्षात भारतीय संघाला चेन्नईमध्ये कसोटी सामन्यात एकही पराभव पत्करावा लागला नव्हता. भारताला यापूर्वी चेन्नईमध्ये १९९९ साली पराभव पत्करावा लागला होता. पण आज झालेल्या पराभवानंतर भारताची ही विजयी मालिका खंडीत झाल्याचे पाहायला मिळत आहे.

The post IND vs ENG : पराभवानंतर भारतीय संघाला आणखी एक झटका appeared first on थोडक्यात घडामोडी.

पुणे : १३ डिसेंबर रोजी इंग्लंडमधून परतलेल्या पुण्यातील एका व्यक्तीचा कोरोना रिपोर्ट पॉझिटिव्ह आल्याची माहिती आरोग्य विभागाकडून मिळाली आहे. त्या व्यक्तीची प्रकृती सध्या स्थिर अशून, कोरोनाच्या विषाणूची स्ट्रेन तपासण्यासाठी त्यांचे नमुने पुण्यातील राष्ट्रीय विषाणू विज्ञान संस्थेकडे (NIV) पाठविण्यात येणार आहेत.

१३ डिसेंबर रोजी ही व्यक्ती पुण्यात परतली होती. १७ तारखेला त्याचा कोरोना रिपोर्ट पॉझिटिव्ह आला आहे. त्यामुळे त्या तरुणाला कोरोनाच्या नव्या ‘स्ट्रेन’ची लागण झाली आहे की नाही, हे तपासण्यासाठी ‘जेनेटिक सिक्वेन्सिंग’ चाचणी करण्यात येणार असल्याची माहिती आरोग्य विभागाने दिली आहे.

The post पुण्यातील इंग्लंडमधून परतलेली व्यक्ती आढळली कोरोना पॉझिटिव्ह appeared first on थोडक्यात घडामोडी.