आज तकचे न्यूज अँकर रोहित सरदाना यांचं हृदयविकाराच्या धक्क्याने निधन झालं आहे. त्यांच्यावर दिल्लीत करोनावर उपचार सुरू होते. पण याचदरम्यान त्यांना हृदयविकाराचा झटका आला आणि त्यांचं निधन झालं. टीव्ही जगतात रोहित सरदाना हे एक मोठं नाव होतं.

रोहित सरदाना यांनी झी न्यूजसोबत प्राईम टाईम अँकर म्हणून काम केलं. त्यानंतर ते झी न्यूजमधून आज तकमध्ये आले होते. आज तकवर त्यांचा दंगल हा कार्यक्रम लोकप्रिय होता. मितभाषी आणि संयमी न्यूज अँकर म्हणून ते परिचीत होते. त्यांना कोरोनाचा संसर्ग झाल्याने दिल्लीतील मेट्रो रुग्णालयात त्यांच्यावर उपचार सुरु होते.

झी न्यूजचे संपादक सुधीर चौधरी यांनी ट्विट करुन ही धक्कादायक माहिती दिली. सुधीर चौधरी यांनी ट्विट करत म्हटलं कि, “आताच थोड्या वेळापूर्वी जितेंद्र शर्मांचा फोन आला. त्यांनी जे सांगितलं ते ऐकून हात थरथर कापू लागले. माझा मित्र आणि सहकारी रोहित सरदानाच्या मृत्यूची ती बातमी होती. हा व्हायरस आमच्या इतक्या जवळच्या कोणाला घेऊन जाईल याची अजिबात कल्पना नव्हती. हा देवाचा अन्याय आहे, ओम शांती”

Rest in peace Rohit. ?? https://t.co/Imv8aBqD5L

— Sudhir Chaudhary (@sudhirchaudhary) April 30, 2021

रोहित सरदाना हे अनेक वर्षांपासून टीव्ही मीडियात कार्यरत होते. ‘आज तक’ वाहिनीवरील दंगल या शोचं ते अँकरिंग करत होते. त्यांना गणेश शंकर विद्यार्थी पुरस्काराने सन्मानित करण्यात आलं होतं.

The post धक्कादायक : लोकप्रिय न्यूज अँकर रोहित सरदाना यांचं निधन appeared first on थोडक्यात घडामोडी.