Opposition leader Devendra Fadnavis defeat corona

विरोधी पक्षनेते देवेंद्र फडणवीस कोरोनामुक्त होऊन परतले घरी

महाराष्ट्र

विरोधी पक्षनेते देवेंद्र फडणवीस हे कोरोनामुक्त झाले आहेत. काही वेळापूर्वीच त्यांना रुग्णालयातून डिस्चार्ज देण्यात आला आहे. २४ ऑक्टोबर रोजी त्यांची कोरोना चाचणी पॉझिटिव्ह आली होती. त्यांना कोरोनाची लागण झाल्यामुळे ते जसं आधी म्हणाले होते त्याप्रमाणे सेंट जॉर्ज रुग्णालयात दाखल झाले होते.

कमीत कमी शब्दांमध्ये मराठी बातम्यासाठी थोडक्यात घडामोडीच्या ट्विटर & फेसबुक फॉलो करा.

आज याच रुग्णालयातून त्यांना डिस्चार्ज देण्यात आला. कोरोना चाचणी पॉझिटिव्ह आल्याचं त्यांनी ट्विट करुन सांगितलं होतं. रुग्णालयाच्या बाहेर येताच देवेंद्र फडणवीस यांनी हात जोडून सगळ्यांना अभिवादनही केलं.

आजही ट्विट करत देवेंद्र फडणवीस म्हणाले कि, आज रुग्णालयातून घरी परतलो. सेंट जॉर्ज रुग्णालयातील सर्व डॉक्टर्स, परिचारिका, स्वच्छता कर्मचारी आणि इतरही सर्व कर्मचारी वृंद यांचा, त्यांनी केलेले सहाय्य, घेतलेली काळजी, उपचार यासाठी मी अत्यंत आभारी आहे.
मला लवकर बरे वाटावे, यासाठी ज्यांनी सदिच्छा दिल्या, त्यांचेही अनंत आभार!

देवेंद्र फडणवीस यांना दहा दिवस क्वारंटाइन राहण्याचा सल्ला डॉक्टरांनी दिला आहे. त्यामुळे ते त्यांच्या सागर या शासकीय बंगल्यावर होम क्वारंटाइन असणार आहेत.

Share this :

कमीत कमी शब्दांमध्ये मराठी बातम्यासाठी थोडक्यात घडामोडीच्या टेलीग्राम चैनलला जॉइन करा.

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत