Abhijeet Bichukale's name is missing from the voter list

अभिजीत बिचुकले यांचं नावच मतदार यादीतून गायब

महाराष्ट्र

सातारा : राज्यात विधानपरिषदेच्या पदवीधर आणि शिक्षक मतदारसंघांची निवडणूक पार पडत आहे. या निवडणुकीसाठी बिग बॉस फेम अभिजीत बिचुकले हे देखील अपक्ष उमेदवार म्हणून उभे राहिले आहेत. मात्र, बिचुकले यांचं नावच मतदार यादीतून गायब झालं आहे.

कमीत कमी शब्दांमध्ये मराठी बातम्यासाठी थोडक्यात घडामोडीच्या ट्विटर & फेसबुक फॉलो करा.

मतदार यादीत नाव नसल्याचं कळताच बिचुकले यांनी मतदान केंद्रावर गोंधळ घातला असून प्रशासनाच्या कारभारावर जोरदार टीका केली आहे. बिचुकले साताऱ्यातील मतदान केंद्रावर गेले असता त्यांना प्रकार लक्षात आला. मतदान यादीत त्यांची पत्नी अलंकृता बिचुकले यांचं नाव होतं मात्र, अभिजीत बिचुकलेंचं नावाच्या जागी नारायण बिचुकले असं दुसरंच नाव होतं. या सगळ्या प्रकारानंतर अभिजीत बिचुकलेंनी हे सगळं षडयंत्र असल्याचा दावा केला आहे. उमेदवाराचं नाव यादीत नसेल तर सर्वसामान्यांचं काय. मी कधीही जातीवर राजकारण केलं नाही. यांनी स्वत:ची नावं लिहिली. माझी नोंदणी झाली आहे. बायकोचं नाव आहे. पण माझं नाही. मी उमेदवार आहे. त्यामुळे मला निवडणुकीपासून वंचित राहावं लागणार आहे, असं यावेळी बिचुकलेंनी म्हटलं.

Share this :

कमीत कमी शब्दांमध्ये मराठी बातम्यासाठी थोडक्यात घडामोडीच्या टेलीग्राम चैनलला जॉइन करा.

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत