आयपीएलची २१वी लढत चेन्नई सुपर किंग्ज विरुद्ध कोलकाता नाइट रायडर्स यांच्यात आज अबुधाबी येथे होणार आहे. दोन्ही संघात आतापर्यंत २० लढती झाल्या आहेत. त्यापैकी १३ चैन्नईने तर ७ कोलकाताने जिंकल्या आहेत.
गुणतक्त्यात कोलकाता चार सामन्यातील दोन विजय आणि दोन पराभवासह चौथ्या स्थानावर तर चेन्नई पाच सामन्यात दोन विजय आणि ३ पराभवासह पाचव्या स्थानावर आहे. पंजाबविरुद्ध चेन्नईने ३ पराभवानंतर शानदार कमबॅक केला आणि १० विकेटनी विजय मिळवला.
कार्तिकला आतापर्यंत कर्णधार आणि फलंदाज म्हणून चांगली कामगिरी करता आली नाही. तसेच कार्तिकने चार सामन्यात फक्त ३७ धावा केल्या आहेत. तो मॉर्गन आणि आंद्रे रसेल यांच्या आधी फलंदाजीला येत आहे. चांगली फलंदाजी करणारा टॉम बेंटनच्या ऐवजी सुनील नरेनला सलामीला पाठवले जात आहे. कर्णधार म्हणून त्याचे काही निर्णय चुकत आहेत.
